საგარეო საქმეთა სამინისტროსთან, სადაც სამოქალაქო აქტივისტები აქციას მართავენ, ხმაური იყო

საგარეო საქმეთა სამინისტროსთან, სადაც სამოქალაქო აქტივისტები აქციას მართავენ, ხმაური იყო.

სამართალდამცავები ერთ-ერთი აქიტივისტის გიორგი მჟავანაძის ადგილიდან გაყვანას ცდილობდნენ, რისი უფლებაც მათ სხვა სამოქალაქო აქტივისტებმა არ მისცეს.

თავად მჟავანაძე განმარტავს, რომ მისთვის უცნობია, თუ რატომ ცდილობდნენ სამართალდამცველები მის გაყვანას აქციიდან.

მისი თქმით, ამის თაობაზე სამართალდამცველებს მისთვის განმარტებები არ გაუკეთებიათ.

ცნობისთვის, სამოქალაქო აქტივისტები აქციას საგარეო საქმეთა სამინისტროსთან მართავენ და ხელისუფლებას მოუწოდებენ, რომ ოკუპირებული ცხინვალის ე.წ. სასამართლოს მიერ უკანონო პატიმრობაში დაკავებული ზაზა გახელაძის გასათავისუფლებლად ქმედითი ნაბიჯები გადადგან.

ცნობისთვის, ოკუპირებული ცხინვალის ე.წ. უზენაესმა სასამართლომ საქართველოს მოქალაქეს, კასპის მუნიციპალიტეტის სოფელ ქვემო ჭალაში მცხოვრებ ზაზა გახელაძეს 12 წლით და 6 თვით თავისუფლების აღკვეთა მიუსაჯა. მათივე ინფორმაციით, გახელაძე დამნაშავედ ცნეს რუსეთის სისხლის სამართლის კოდექსის 317-ე მუხლით (სამართალდამცავი ორგანოს თანამშრომლის სიცოცხლის ხელყოფა) და 322-ე მუხლით (სახელმწიფო საზღვრის უკანონოდ გადაკვეთა).

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)