ნიკა მელია პროკურატურაში გაფრთხილების ოქმის ასაღებად არ გამოცხადდა, ადვოკატი კი აცხადებს, რომ მის ნაცვლად ოქმს ვერ ჩაიბარებს

“ერთიანი ნაციონალური მოძრაობის" თავმჯდომარე, ნიკა მელია საქართველოს გენერალურ პროკურატურაში გაფრთხილების ოქმის ასაღებად არ გამოცხადდა, მისი ადვოკატი გიორგი კონდახიშვილი კი უწყებაში არ შესულა.

კონდახიშვილის განმარტებით, გენერალურმა პროკურატურამ ნიკა მელიას წერილობითი გაფრთხილება უნდა ჩააბაროს, თავად კი აღნიშნულს ვერ ჩაიბარებს, ვინაიდან ოქმში მელიას უფლებები და ვალდებულებები უნდა განუმარტონ.

ადვოკატისთვის უცნობია, თუ რა ინსტრუმენტებს გამოიყენებს უწყება ნიკა მელიასთან მიმართებაში, ვინაიდან უფლებადამცველის თქმით, ეს ყველაფერი კანონს მიღმა ხდება.

გიორგი კონდახიშვილი ასევე განმარტავს, რა პროცედურები უნდა გაიაროს საქმემ, რომ მელია დააპატიმრონ.

“პროკურატურამ რატომ გააქტიურა აღნიშნული საკითხი დღეს, მაშინ როცა მათივე განცხადებაში 2 თვის წინ იყო გირაოს გადახდის თემატიკა, რა ერთკვიარიან ვადას აძლევენ, რომელი კანონმდებლობით ხელმძღვანელობენ, ჩემთვის გაუგებარია. არაფერი მიკვირს, ნიკა მელიას საქმე პირველივე დღიდან პოლიტიკური დევნის კლასიკური მაგალითია, როცა პოლიტიკურად აქტიური თემაა, მაშინ ააქტიურებენ არამხოლოდ ნიკასთან მიმართებაში, არამედ სხვა პოლიტიკურ ლიდერებთანაც. პროცედურულად, ნიკა მელიას უნდა განუმარტონ შესაბამისი ოქმით ვალდებულებები, მათ შორის, გირაოს გადახდასთან დაკავშირებით, რაც ჯერ არ მომხდარა. ამის შემდეგ, ვინაიდან ნიკა მელია პარლამენტის მოქმედი წევრია, 2 თვის განმავლობაში მისი განცხადების მიუხედავად, აღნიშნულ უფლებამოსილებას არ უწყვეტენ, ერთადერთი გზა, რაც პროკურატურას რჩება მოქმედი კანონმდებლობით, ეს არის, რომ ჯერ უნდა გააფრთხილონ ნიკა და ამის შემდეგ პარლამენტს მიმართონ. ის პროცედურა, რაც დაახლოებით, ერთი წლის წინ ვიხილეთ, ხელახლა უნდა გაიარონ, საქართველოს პარლამენტისგან ნებართვა უნდა მიიღონ ნიკა მელიასთან მიმართებაში, რომ დაპატიმრებით სასამართლოს მიმართონ. მხოლოდ ამის შემდეგ არის შესაძლებელი სასამართლოსთვის მიმართვა.

განჩინებაში ერთმნიშვნელოვნადაა აღნიშნული, რომ პროკურატურა ვალდებულია ნიკა მელიას უფლებები განუმარტოს, შეუდგინოს ოქმი",- აცხადებს კონდახიშვილი.

მისივე თქმით, მელიას გირაო ერთხელ უკვე გადახდილი აქვს, ნოემბერში მიღებული სასამართლოს გადაწყვეტილება კი უკანონოა.

"სასამართლოს გადაწყვეტილება უკანონო იყო საფუძველშივე, ნიკა მელიას გირაო შეფარდებული ჰქონდა და თავის დროზე გადახდილიც აქვს, თუმცა, ის რაც ნოემბერში მოხდა, აბსოლუტურად უკანონო გადაწყვეტილება იყო. ჩვენ ვაცხადებდით, რომ ამ გადაწყვეტილებას ლეგიტიმურობა არ გააჩნდა. ნიკამ საჯაროდ განაცხადა, რომ ამ ბრძოლაში, ამ ფარსში არ აპირებს მონაწილეობის მიღებას. თუკი გირაო არალეგიტიმურია და გადაწყვეტილება, რომელსაც არ გააჩნია სამართლებრივი საფუძვლები, ის კანონიერი მოთხოვნის უფლებას არ წარმოადგენს.

მე ადვოკატი ვარ და ნიკას ნაცვლად ვერანაირ ოქმს ვერ ჩავიბარებ. ყველა ნაბიჯი, დაწყებული აღკვეთის ღონისძიებიდან, დამთავრებული მის მიმართ პარლამენტის წევრის უფლებამოსილების შეწყვეტით, უკანონოა, ის თავის დროზე უკანონოდ გააგდეს პარლამენტიდან",- აცხადებს ადვოკატი.

მისივე განმარტებით, მომდევნო პროცედურებთან დაკავშირებით, განმარტება და განცხადება პროკურატურამ უნდა გააკეთოს, კონდახიშვილის თქმითვე, გირაოს გადახდასთან დაკავშირებით, სასამართლოს განჩინებაში 50 დღე ჰქონდა მითითებული, რომელიც დეკემბერში გავიდა. შესაბამისად, ადვოკატისთვის გაუგებარია, პროკურატურა ნიკა მელიას 7-დღიან ვადას რის საფუძველზე აძლევს.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა