„ევროპელი სოციალისტები“ - საქართველოს ხელისუფლებამ ყველაფერი უნდა იღონოს ზაზა გახელაძის გასათავისუფლებლად

პოლიტიკური პარტია „ევროპელი სოციალისტების“ წევრები ოკუპირებული ცხინვალის ე.წ უზენაესი სასმართლოს მიერ საქართველოს მოქალაქის ზაზა გახელაძის მიმართ 12 წლითა და 6 თვით თავისუფლების აღკვეთის შესახებ მიღებულ გადაწყვეტილებას გმობს.

„ეს არის რუსეთის საოკუპაციო რეჟიმის კიდევ ერთი ძალადობის გამოვლინება. „ევროპელი სოციალისტები“ ვგმობთ ამ ძალადობას და მიგვაჩნია, რომ საქართველოს ხელისუფლებამ დასავლელ პარტნიორებთან ერთად ყველაფერი უნდა გააკეთონ ზაზა გახელაძის გასათავისუფლებლად უკანონო პატიმრობიდან“, - ნათქვამია პარტიის განცხადებაში.

„ევროპელი სოციალისტები“ თვლიან, რომ ქართველები და ოსები ყოველთვის იყვნენ ერთმანეთთან ძმურ და მეგობრულ ურთიერთობაში და არავის არ აქვს უფლება ერეოდეს ორი მოძმე ერის ცხოვრებაში. ამ მხრივ მნიშვნელოვანია სახალხო დიპლომატიის ამოქმედება.

„სახალხო დიპლომატია, ეს არის ერთ-ერთი უმნიშვნელოვანესი ფაქტორი არსებული კონფლიქტური ვითარების მოგვარების დროს. შესაბამისად, ამ მიმართულებით მუშაობის გააქტიურება მართებს ქვეყნის ხელისუფლებას“, - ნათქვამია განცხადებაში.

აღნიშნულ ინფორმაციას პარტიის პრესსამსახური ავრცელებს.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა