მებაჟე ოფიცრებმა არადეკლარირებული საქონელი გამოავლინეს

ფინანსთა სამინისტროს შემოსავლების სამსახურის საბაჟო გამშვებ პუნქტში „ბათუმის პორტი“ და „ფოთის“ გაფორმების ეკონომიკურ ზონაში სამართალდარღვევის ფაქტები გამოვლინდა. აღნიშნულის შესახებ „ინტერპრესნიუსს“ ფინანსთა სამინისტროს შემოსავლების სამსახურიდან აცნობეს.

როგორც მათ ინფორმაციაშია აღნიშნული, ბათუმის პორტში სატვირთო ავტომობილი შევიდა, რომელშიც საქართველოს მოქალაქის კუთვნილი სხვადასხვა დასახელების საქონელი იყო განთავსებული.

„აღნიშნულ ტვირთს კონტროლის წითელი დერეფანი განესაზღვრა და ავტომანქანა შემდგომი საბაჟო კონტროლის პროცედურების განხორციელების მიზნით, „ბათუმის“ გაფორმების ეკონომიკურ ზონაში გაიგზავნა.

მებაჟე ოფიცრების მიერ აღნიშნული ტვირთის თანმხლები დოკუმენტების კამერალური შემოწმებისა და საქონლის დათვალიერების შედეგად, 4 203,5 ლარის ღირებულების არადეკლარირებული საქონლის შემოტანის ფაქტი გამოვლინდა.

საქართველოს საბაჟო კოდექსის 168-ე მუხლის I ნაწილის შესაბამისად, სამართალდამრღვევ მოქალაქეს, სანქციის სახით, ფულადი ჯარიმა 4 203,5 ლარის ოდენობით შეეფარდა.

სამართალდარღვევის მეორე ფაქტი, რომელიც „ფოთის“ გაფორმების ეკონომიკურ ზონაში გამოვლინდა გადასახადისგან გათავისუფლების უფლების (ჩვილ ბავშვთა კვების პროდუქტებისა და ბავშვთა ჰიგიენის ნაწარმის ნუსხა, რომელთა მიწოდება ან/და იმპორტი გათავისუფლებულია დამატებითი ღირებულების გადასახადისაგან) არასწორად სარგებლობის ფაქტს შეეხებოდა. კერძოდ, მებაჟე ოფიცრების მიერ, ტვირთის დათვალიერების შედეგად, აღმოჩნდა, რომ გადასახადის გადამხდელმა სავალდებულო საბაჟო გადასახადი 11 755 ლარის ოდენობით შეამცირა.

საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეგზავნა“, - ნათქვამია ფინანსთა სამინისტროს შემოსავლების სამსახური მიერ გავრცელებულ ინფორმაციაში.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)