სერგო ჩიხლაძე - იგივე სასამართლომ ნიკა მელიას იგივე საკითხზე გირაო უკვე დააკისრა და ყოველ ჯერზე გაზრდილი გირაო არასამართლიანი მეჩვენება

იგივე სასამართლომ ნიკა მელიას იგივე საკითხზე გირაო უკვე დააკისრა და ყოველ ჯერზე გაზრდილი გირაო არასამართლიანი მეჩვენება, - ასე გამოეხმაურა „სტრატეგია აღმაშენებლის“ ერთ-ერთი წევრი სერგო ჩიხლაძე „ერთიანი ნაციონალური მოძრაობის“ თავმჯდომარის, ნიკა მელიას განცხადებას, რომლის მიხედვითაც, ის სასამართლოს მიერ აღკევთის ღონისძიების სახით შეფარდებული 40 000-ლარიანი გირაოს გადახდას არ აპირებს.

ჩიხლაძის თქმით, ნიკა მელიას მხრიდან ეს განცხადება უსამართლობის მიმართ პროტესტია.

„ეს არის პროტესტი უკანონობის წინააღმდეგ. იმ ქვეყანაში, სადაც პირდაპირ ეთერში ფარცხალაძე გენერალურ აუდიტორს ცემს და გაამართლებენ, იმ ქვეყანაში, სადაც არც ერთ საჩივარს არ განიხილავენ, იმ ქვეყანაში, სადაც მედიას და პოლიტიკოსებს დასდევენ და საქმეებს უკერავენ, სადაც პოლიტპატიმრები გვყავს, ეს არის ჩვეულებრივი აქტი, რომელიც ემსახურება პროტესტს“, - აცხადებს ჩიხლაძე.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)