სამოქალაქო აქტივისტები, რომლებიც “დაუმორჩილებლობის მარშს” მართავენ, ამ წუთებში აღმაშენებლის გამზირზე იმყოფებიან. ისინი ისევ არ აკონკრეტებენ, თუ რა მიმართულებით გააგრძელებენ მსვლელობას.

როგორც აქტივისტები განმარტავენ, თუ ისინი კონკრეტულ მიმართულებას დაასახელებენ, მათ გადაადგილებაში პოლიცია ხელს შეუშლის. სამოქალქო აქტივისტებმა მსვლელობა რუსთაველის გამზირიდან ელბაქიძის ხიდის გავლით დაიწყეს. ისინი აპროტესტებენ 21:00 საათის შემდეგ გადაადგილების შეზღუდვისთვის დაწესებულ რეგულაციას და მის მოხსნას მოითხოვენ.

აქციის მონაწილეები მოქალაქეებს ქუჩაში გამოსვლისკენ მოუწოდებენ და სკანდირებენ “გამოდი”.

სამოქალაქო აქტივისტებს შეუერთდნენ სხვადასხვა სფეროს წარმომადგებლები და ოპოზიციონერი პოლიტიკოსები.