სამოქალაქო აქტივისტების განცხადებით, “დაუმორჩილებლობის მარშის” მთავარი ლოკაცია “დედაენის ბაღია”. როგორც სამოქალაქო აქტივისტმა გიგა მაქარაშვილმა განაცხადა, რამდენიმე გასართობი “ფერადი და მხიარული სიურპრიზი” აქვთ მომზადებული.
მისივე თქმით, “ისინი არაფრის გაფუჭებას არ აპირებენ”.
აქციის მონაწილეებმა მსვლელობა დღეს, 21:00 საათზე, რუსთაველის გამზირიდან ელბაქიძის ხიდის გავლით დაიწყეს. ისინი აპროტესტებენ 21:00 საათის შემდეგ გადაადგილების შეზღუდვისთვის დაწესებულ რეგულაციას და მის მოხსნას მოითხოვენ. ისინი მოქალაქეებს ქუჩებში გამოსვლისკენ მოუწოდნენ და სკანდირებდნენ “გამოდი”.
სამოქალაქო აქტივისტებს შეუერთდნენ სხვადასხვა სფეროს წარმომადგებლები, მათ შორის ოპოზიციის წარმომადგენლები.