გიორგი შაქარაშვილის მკვლელობაში ბრალდებული ზ.ხ.-ს ადვოკატი - პროკურატურის განცდები და შფოთვები, რომ მახარაძე ცრუ ჩვენებას მისცემს, ტყუილია

ფეხბურთელ გიორგი შაქარაშვილის მკვლელობაში ბრალდებული არასრულწლოვნის ზ.ხ.-ს ადვოკატის, გიორგი გელხაურის განცხადებით, პროკურატურამ დასაკითხ პირთა სიიდან ბრალდებული ვასილ მახარაძე ამოიღო, ვინაიდან სიმართლის დამალვა უნდათ.

როგორც გელხაური განმარტავს, დღევანდელ სასამართლო პროცესზე ვასილ მახარაძე დაადასტურებს, რომ მასთან ერთად "ტოიოტა ქამრიში" ზ.ხ. და კიდევ ერთი ბრალდებული იჯდა.

"რატომ არ დაკითხა ბრალდების მხარემ ვასილ მახარაძე? მათაც ჰყავდათ დასაკითხ პირთა სიაში და უარი განაცხადეს, რომ დაეკითხათ. ამას აკეთებენ ერთი რამის გამო, რომ დამალონ ის რეალობა, რაც 19 ივნისს მცხეთაში მოხდა, დამალონ ის რეალობა, რაზეც ვასილ მახარაძე საუბრობს. იმედი გვაქვს, რომ მახარაძე ისეთ ჩვენებას მისცემს, რაც რეალობას ასახავს. იმედი გვაქვს, ის იტყვის ვინ იჯდა მასთან ერთად მანქანაში, როცა ფერად შენობასთან მივიდა. პროკურატურის განცდები და შფოთვები, რომ მახარაძე ცრუ ჩვენებას მისცემს, ტყუილია. იმედი გვაქვს, რომ ბრალდებული სასამართლოს და მართლმასჯულებას დაანახებს, იმ ღამეს რეალურად რა მოხდა. ზუსტად ამას ემსახურებოდა მისი არ გამოძახება პროკურატურის მხრიდან, მათ არ აინტერესებთ სასამართლოს რეალობა დაანახონ, თუ რა მოხდა მცხეთაში.

როცა ვასილ მახარაძე მანქანის მოსატრიალებლად წავიდა, რომ ის ფერად შენობასთან მიეყვანა, მასთან ერთად ორი პირი იჯდა, ამას თავად ვასილ მახარაძეც განაცხადებს იმედია. აღნიშნული ფაქტი ვიდეოჩანაწერითაც დასტურდება, რაც ჩვენ სასამართლოში გვაქვს წარდგენილი. აღნიშნულ ვიდეოჩანაწერში ჩანს, რომ მანქანაში 3 პირი ჯდება და მათ კავშირი არ აქვთ იქ მიმდინარე მოვლენებთან",- განაცხადა გელხაურმა.

ცნობისთვის, ფეხბურთელ გიორგი შაქარაშვილის განზრახ ჯგუფურად მკვლელობას არჩილ გაგნიძეს, ნიკოლოზ რევაზიშვილს, ვახტანგ ჩიქოვანს, ზ.ხ-ს და ა.ქ.-ს ედავებიან. რაც შეეხება ვასილ მახარაძეს, მას ძალადობას, ძალადობის ორგანიზებასა და თავისუფლების უკანონო აღკვეთას ედავებიან.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა