რუსეთის ყოფილ საელჩოსთან ზაზა გახელაძის უკანონო პატიმრობიდან გათავისუფლების მოთხოვნით აქცია მიმდინარეობს

რუსეთის ყოფილ საელჩოსთან „ანტისაოკუპაციო მოძრაობა ძალა ერთობაშიას“ წევრები და "ნაციონალური მოძრაობის" წარმომადგენლები აქციას მართავენ და ხელისუფლებას ზაზა გახელაძის უკანონო პატიმრობიდან გათავისუფლებისთვის ქმედითი ნაბიჯების გადადგმისკენ მოუწოდებენ.

„ანტისაოკუპაციო მოძრაობა ძალა ერთობაშიას“ ლიდერის დავით ქაცარავას განცხადებით, ხელისუფლებამ უკანონო პატიმრობაში მყოფი პირები სასწრაფოდ უნდა გამოიხსნას.

"ჩვენ აქ შევიკრიბეთ იმისთვის, რომ ვუთხრათ ჩვენს ხელისუფლებას - ჩვენ მას უკვე აღარ ვენდობით. ჩვენ დიდი ხანია აღარ ვენდობით, მაგრამ უკვე მოთმინების ფიალა აივსო. მას ჰქონდა ძალიან დიდი დროის მონაკვეთი, რათა ეჩვენებინა, რომ ის მუშაობს ჩვენი მოქალაქეების დასახსნელად, მაგრამ ჩვენ ვერ ვხედავთ ვერანაირ ეფექტურ და ქმედით ნაბიჯს იმისთვის, რომ თუნდაც ჩვენი ერთი მოქალაქე დაბრუნებულიყო, ვისაც ამხელა სასჯელი აქვს მისჯილი საოკუპაციო რეჟიმის მხრიდან. ჩვენ გადავწყვიტეთ, გავააქტიუროთ საზოგადოება და განვახორციელოთ ზეწოლა ხელისუფლებაზე და ზუსტად ისევე იმოქმედონ მათ, როგორც ეს მოხდა ვაჟა გაფრინდაშვილის გატაცების შემდგომ პერიოდში. იგივე უნდა განხორციელდეს 5-ვე გატაცებულის შემთხვევაში. გატაცებულები არიან: გენადი ბესტაევი, ზაზა გახელაძე, ლაშა ხეთერელი, რამაზ ბეღელური ირაკლი ბებუა. ეს ხუთივე დაკავებული სასწრაფოდ უნდა გამოიხსნას ხელისუფლებამ", - განაცხადა დავით ქაცარავამ.

როგორც ქაცარავამ აღნიშნა, აქციები იქნება ძალიან ხშირი და შაბათს იგეგმება აქცია ზაზა გახელაძის გატაცების ადგილზე.

შეგახსენებთ, რომ ოკუპირებული ცხინვალის ე.წ. უზენაესმა სასამართლომ საქართველოს მოქალაქეს, კასპის მუნიციპალიტეტის სოფელ ქვემო ჭალაში მცხოვრებ ზაზა გახელაძეს 12 წლით და 6 თვით თავისუფლების აღკვეთა მიუსაჯა. გახელაძე დამნაშავედ ცნეს რუსეთის სისხლის სამართლის კოდექსის 317-ე მუხლით (სამართალდამცავი ორგანოს თანამშრომლის სიცოცხლის ხელყოფა) და 322-ე მუხლით (სახელმწიფო საზღვრის უკანონოდ გადაკვეთა).

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა