თუკი თეა წულუკიანის კულტურის მინისტრის თანამდებობაზე დანიშვნის გადაწყვეტილება იქნება მიღებული, კულტურას საქართველოში ნამდვილად დიდი პერსპექტივები გაუჩნდება, - ასე უპასუხა ფრაქცია "ქართული ოცნების" დეპუტატმა მიხეილ სარჯველაძემ თეა წულუკიანის კულტურის, სპორტისა და ახალგაზრდულ საქმეთა მინისტრად შესაძლო დანიშვნის თაობაზე დასმულ კითხვას.

"ის არის საუკეთესო კანდიდატი, რომელიც დიდ წარმატებას ნებისმიერ სფეროში შესძლებს", - განუცხადა ჟურნალისტებს მიხეილ სარჯველაძემ.

პარლამენტის ბიუროს დღევანდელ სხდომაზე მთავრობის საკანონმდებლო პაკეტი წარედგინება, რომლის საფუძველზეც განათლების, მეცნიერების, კულტურისა და სპორტის სამინისტრო იყოფა და ორ უწყებად - განათლებისა და მეცნიერების სამინისტროდ და კულტურის, სპორტისა და ახალგაზრდობის სამინისტროდ ყალიბდება.

არსებული ინფორმაციით, კულტურის მინისტრად თეა წულუკიანი დაინიშნება.

იხილეთ ვიდეო:მიხეილ სარჯველაძე თეა წულუკიანის კულტურის მინისტრად დანიშვნის შესახებ ინფორმაციას ეხმაურება