დროებითი საგამოძიებო კომისიაში ჩართვის მომხრე ვართ, მაგრამ ეს იმ შემთხვევაში მოხდება, თუ ამ პროცესში ის ოპოზიციური პარტიები ჩაერთვებიან, ვისაც საკუთარი წარმომადგენლები ჰყავდა საარჩევნო უბნებზე,- ამის შესახებ ჟურნალისტებს “მოქალაქეების" ერთ-ერთმა ლიდერმა ლევან იოსელიანმა განუცხადა.
მისი თქმით, ოპოზიციას რატომ არ უნდა ჩართვა, მათ უნდა ჰკითხონ.
“მინდა, რომ ჩაერთონ და მათთან ერთად დავამტკიცოთ ის, რაზეც ამდენი ხანია ვსაუბრობთ. ჩვენ არ გვყოლია დამკვირვებლები არჩევნებზე და რთული იქნება, ყველას ნაცვლად, იმ მტკიცებულების ტვირთის აწევა, რაც ოპოზიციამ საგამოძიებო კომისიის ფარგლებში უნდა დაადასტუროს. ჩვენ გვყავდა წარმომადგენლები საბურთალოზე და ვნახეთ, როგორი მასშტაბის იყო დარღვევები და ოქმების გადაწერები. ამას დაემატა ოპოზიციის დანარჩენი პარტიების განცხადებები, რომ ყველგან ასეთი სიტუაცია იყო და არანაირი საფუძველი არ გვქონდა, მათ არ დავუჯეროთ, მაგრამ ვამბობთ, მოდით, ეს ყველაფერი საგამოძიებო კომისიის ფარგლებში დავამტკიცოთ. ის მტკიცებულებები მოიტანონ, რაც სასამართლოში შეიტანეს და სასამართლომ განხილვაზე უარი თქვა", - განაცხადა იოსელიანმა.