ჩეხეთის ელჩმა საგარეო ურთიერთობათა კომიტეტში შეხვედრა გამართა

საგარეო ურთიერთობათა კომიტეტის თავმჯდომარე, ნიკოლოზ სამხარაძე და კომიტეტის თავმჯდომარის პირველი მოადგილე, გიორგი ხელაშვილი ჩეხეთის რესპუბლიკის საგანგებო და სრულუფლებიან ელჩს, პეტრ მიკისკას შეხვდნენ.

პარლამენტის პრესსამსახურის ინფორმაციით, შეხვედრაზე მხარეებმა საქართველო-ჩეხეთის ორმხრივი ურთიერთობები, სამომავლო თანამშრომლობის პრიორიტეტები და საპარლამენტთაშორისო ურთიერთობების მიმართულებები განიხილეს.

„ჩეხ დიპლომატთან შეხვედრისას ქართველმა კანონმდებლებმა საგარეო პოლიტიკის შესახებ პარლამენტის მიერ მიღებულ რეზოლუციაზე ისაუბრეს და ყურადღება იმ საგარეო პრიორიტეტებზე გაამახვილეს, რომლებზეც საქართველოს პარლამენტი და მთავრობა ერთობლივად მუშაობენ. აღინიშნა, რომ საქართველოს ერთ-ერთი მთავარი პრიორიტეტი ევროკავშირში ინტეგრაციაა და ქვეყანა ეტაპობრივად ემზადება, რათა 2024 წელს ევროკავშირში გაწევრიანების განაცხადი გააკეთოს. შეხვედრაზე საუბრის თემას საქართველოს შიდა პოლიტიკური ვითარება, დემოკრატიული რეფორმების მიმდინარეობა, რეგიონული უსაფრთხოება და კოვიდ-19 პანდემიის მართვის საკითხები წარმოადგენდა.

პეტრ მიკისკამ შეხვედრაზე ჩეხეთის პოზიცია, საქართველოს ტერიტორიული მთლიანობის და არაღიარების პოლიტიკის შესახებ, კიდევ ერთხელ დაადასტურა და ქვეყნის საგარეო პოლიტიკის მიმართულებებზე მხარდაჭერა გამოთქვა. აღინიშნა, რომ ჩეხეთი საქართველოში რამდენიმე მნიშვნელოვან პროექტს ახორციელებს, რომლებიც ქვეყნის პოლიტიკურ და ეკონომიკურ განვითარებას უწყობს ხელს.

კომიტეტის ხელმძღვანელობამ ჩეხ დიპლომატს მადლობა გადაუხადეს იმ მხარდაჭერისთვის, რასაც ჩეხეთის მთავრობა საქართველოს მიმართ ახორციელებს. შეხვედრის დასასრულს მხარეები სამომავლო თანამშრომლობის ფორმატებსა და კომუნიკაციის გზებზე შეთანხმდნენ“,-აღნიშნულია ინფორმაციაში.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)