"ლელოს" წევრები ირაკლი კუპრაძე და თაზო დათუნაშვილი აცხადებენ, რომ "დაუმორჩილებლობის აქციაში" მონაწილეობის შემდეგ, „კომენდანტის საათის" დარღვევის გამო, დააჯარიმეს

„ლელო საქართველოსთვის“ წევრის ირაკლი კუპრაძის განცხადებით, ე.წ. „კომენდანტის საათის“ დარღვევის გამო დამაჯარიმეს.

„დამირეკეს და ხვალ პოლიციის დეპარტამენტში 16:00 საათზე ინდივიდუალურად განვიხილოთ თქვენი სამართალდარღვევის ოქმიო. დავთანხმდი და მივალ“, - წერს კუპრაძე „ფეისბუქზე“.

მისივე განცხადებით, ასეთი განხილვის პრეცედენტი ადმინისტრაციულ ჯარიმაზე არ ახსენდება.

მსგავსი შინაარსის განცხადებას აქვეყნებს პარტიის კიდევ ერთი წევრი თაზო დათუნაშვილი.

„დამირეკეს საპატრულო პოლიციიდან და შაბათიდან კვირის ღამეს, დაუმორჩილებლობის აქციაში მონაწილეობისათვის დამაჯარიმეს 2000 ლარით. აი, ასე იქცევა შეშინებული ხელისუფლება !!! ჩვენს მხარეს არის სიმართლე და ამ სიმართლისათვის ვიბრძოლებთ ბოლომდე !!! ბოლომდე ვიბრძოლებთ ამ ანტიკონსტიტუციური და უაზრო რეგულაციების წინააღმდეგ, რომელიც მოქალაქეების ფუნდამენტურ უფლებებს არღვევს!!!“, - წერს დათუნაშვილი "ფეისბუქზე".

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)