დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ დავით სონღულაშვილმა, საქართველოს ტურიზმის ეროვნული ადმინისტრაციის ხელმძღვანელის მოვალეობის შემსრულებელთან მედეა ჯანიაშვილთან სამუშაო შეხვედრა გამართა. ამის შესახებ ინფორმაციას პარლამენტის პრესსამსახური ავრცელებს.
მათივე ცნობით, მხარეებმა ტურიზმის სფეროში არსებულ პრობლემებსა და გამოწვევებზე იმსჯელეს. დავით სონღულაშვილმა ამ მიმართულებით ადმინისტრაციის მიერ დაგეგმილ პროექტებსა და აქტივობებზე ინფორმაცია მოისმინა. განიხილეს ტურიზმის ადმინისტრაციის სტრატეგია 2025 წლისთვის.
შეხვედრაზე ისაუბრეს კახეთის რეგიონის ტურისტულ განვითარებაზე და ამ კუთხით პრესის და ინფორმაციული, ასევე აგრო ტურების გამართვის მნიშვნელობაზე.
მხარეებმა მომავალში მჭიდრო და ეფექტიანი მუშაობისთვის სრული მზადყოფნა დააფიქსირეს.