მამუკა მდინარაძე - ელისაშვილი და იოსელიანი მძიმე შეცდომას უშვებენ - სულ რომ წინათგრძნობა და ხილვა გქონდეს, არ შეიძლება კონკრეტულ გვარზე ილაპარაკო, რომელიც არჩეული თანამდებობის პირია

ფრაქცია „ქართული ოცნების“ თავმჯდომარის მამუკა მდინარაძის განცხადებით, პარტია “მოქალაქეების“ ლიდერები ალეკო ელისაშვილი და ლევან იოსელიანი „შეცდომას უშვებენ“, როდესაც დემოკრატიაზე საუბრობენ და ამასთან, ცესკო-ს თავმჯდომარის, თამარ ჟვანიას შეცვლას მოითხოვენ.

როგორც მან პარტიის ოფისში გამართულ ბრიფინგზე განაცხადა, საარჩევნო რეფორმა იქნება იდენტური, როგორც ეს ეუთო/ოდირმა თავის რეკომენდაციებში მიუთითა.

„ვფიქრობ, როგორც ბატონი ელისაშვილი, ასევე ბატონი იოსელიანი მძიმე შეცდომას უშვებენ. ისინი ერთი მხრივ, საუბრობენ დემოკრატიის, სამართლებრივ პრინციპებზე, ხოლო მეორე მხრივ, კონრეტულ გვარს ახსენებენ, როდესაც ვინმეს გარეშე ან ვინმესთან ერთად არჩევნების ჩატარებაზე საუბრობენ. როდესაც გარკვეული ვადით არის კონკრეტული ადამიანი არჩეული და მისი თანამდებობა არის არჩევითი, სულ რომ რაღაც წინათგრძნობა გქონდეს და ხილვა გქონდეს, არ შეიძლება ეს ნამდვილი გეგონოს და გჯეროდეს შენი წინათგრძნობის, ხილვების. არ შეძლება კონკრეტულ გვარზე ილაპარაკო, რომელიც არის არჩეული თანამდებობის პირი. ჩვენ შეგვიძლია ამაზე ვისაუბროთ, ვთანხმდებით, მემორანდუმსაც ხელი მოვაწერეთ და ნორმებშიც აისახება პრინციპი იმის შესახებ, რომ ცესკო-ს დონეზე, ვგულისხმობ საუბნო და საოლქო დონეზეც დაკომპლექტების წესი შეიცვლება. ის იქნება იდენტური, როგორც ეს მიგვითითა ეუთო/ოდირმა თავის რეკომენდაციებში თავის დროზე. იქ საუბარი იყო პროფესიონალი წევრებით დაკომპლექტებაზე და ამაზეც ვიმსჯელებთ. ჩვენი პოზიცია არის, რომ ეუთო/ოდირის რეკომენდაციების შესაბამისი იყოს. თუ სხვა აზრი გაჩნდება, ბუნებრივია, ამასაც განვიხილავთ. დღესაც იყო რაღაც მსგავსი, თუმცა მგონია, რომ საბოლოოდ მაინც ეუთო/ოდირის რეკომენდაციების ზედმიწევნით შესრულებაზე მივდივართ“,-განაცხადა მდინარაძემ.

ცნობისთვის, პარტია „მოქალაქეების“ ლიდერი ალეკო ელისაშვილი ირწმუნება, რომ 2021 წლის ადგილობრივი თვითმმართველობის არჩევნები თამარ ჟვანიას ხელმძღვანელობით არ ჩატარდება.

"მიღებული იქნება ახალი კანონი, რომელიც ცესკოს თავმჯდომარის ახალი წესით არჩევას განსაზღვრავს. ბუნებრივია, ჟვანია ულუ და ჟვანია ნარინი ვერ გვეყოლება - უნდა იყოს ცესკოს ახალი თავმჯდომარე", - განაცხადა ელისაშვილმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს