მაკა ბოჭორიშვილი და ლევან ქარუმიძე ესტონეთის საგანგებო და სრულუფლებიან ელჩს შეხვდენენ

ევროპასთან ინტეგრაციის კომიტეტის თავმჯდომარე მაკა ბოჭორიშვილი და თავმჯდომარის მოადგილე ლევან ქარუმიძე ესტონეთის საგანგებო და სრულუფლებიან ელჩს, რიინა კალიურანდს შეხვდენენ.

როგორც „ინტერპრესნიუსს“ საქართველოს პარლამენტიდან აცნობეს, შეხვედრაზე მაკა ბოჭორიშვილმა საქართველოსა და ესტონეთს შორის არსებული განსაკუთრებული მეგობრული და პარტნიორული ურთიერთობები აღნიშნა. კომიტეტის თავმჯდომარემ ესტონურ მხარეს მადლობა გადაუხადა საქართველოს სუვერენიტეტისა და ტერიტორიული მთლიანობის ასევე, ევროპული და ევროატლანტიკური მისწრაფებების მტკიცე მხარდაჭერისთვის.

შეხვედრაზე მხარეებმა ისაუბრეს ორ ქვეყანას შორის თანამშრომლობის სამომავლო პერსპექტივებზე. გამოითქვა მზადყოფნა მომავალშიც ხელი შეუწყონ ორმხრივი პოლიტიკური, ეკონომიკური, დარგობრივი და ხალხთაშორისი თანამშრომლობის განვითარებას და ევროინტეგრაციის კუთხით ესტონური გამოცდილების გაზიარებას.

„კომიტეტის თავმჯდომარემ ესტონეთის ელჩს დეტალურად გააცნო საქართველოს გეგმები 2024 წელს ევროკავშირის წევრობის შესახებ ოფიციალური განაცხადის გაკეთებასთან დაკავშირებით. საუბარი ასევე შეეხო მიმდინარე წელს დაგეგმილ აღმოსავლეთ პარტნიორობის სამიტის პრიორიტეტებს და ამ კუთხით, საქართველოს მოლოდინებს. თავის მხრივ, რიინა კალიურანდმა საქართველოს ევროპული მისწრაფებების მიმართ მხარდაჭერა გამოხატა და იმედი გამოთქვა, რომ სამიტზე შესაძლებელი იქნება აღმოსავლეთ პარტნიორობის მომავალზე ორიენტირებული ხელშესახები შედეგების მიღწევა. შეხვედრაზე საქართველოში არსებული პოლიტიკური ვითარება მიმოიხილეს. გამოითქვა იმედი, რომ კონსენსუსი მიიღწევა და ოპოზიციური პარტიები პარლამენტში შევლენ“, - ნათქვამია ინფორმაციაში.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა