საქართველოს ბიზნეს ასოციაციამ საერთაშორისო სავალუტო ფონდის ფინანსური სექტორის შემფასებელი პროგრამის წარმომადგენლებს ქვეყანის წინაშე არსებული ეკონომიკური გამოწვევები გააცნო

საქართველოს ბიზნეს ასოციაციასა და საერთაშორისო სავალუტო ფონდის ფინანსური სექტორის შემფასებელი პროგრამის (Financial Sector Assessment Program (FSAP)) წარმომადგენლებს შორის გამართულ შეხვედრაზე განიხილეს კოვიდ 19-ის გავლენა საქართველოს ეკონომიკურ მდგომარეობაზე, ასევე არსებული ბიზნესგარემო, ფინანსური სექტორის მიმდინარე გამოწვევები და დედოლარიზაციის პოლიტიკა.

საქართველოს ბიზნეს ასოციაციის ცნობით, შეხვედრაზე საუბარი ასევე, შეეხო ლარის კურსს და მასთან დაკავშირებულ გამოწვევებს, კერძოდ გაცვლითი კურსის არსებული მდგომარეობის შეფასებასა და იმ პრობლემებს, რომელსაც სავალუტო კურსის ცვალებადობა უქმნის ბიზნეს ოპერატორებს.

„მოხარულნი ვართ, რომ ჩვენი საქმიანი კომუნიკაცია საერთაშორისო პარტნიორებთან წარმატებით გრძელდება. ჩვენ უკვე წლებია ვთანამშრომლობთ საერთაშორისო სავალუტო ფონდთან, რომელიც აქტიურად ადევნებს თვალყურს საქართველოში მიმდინარე ეკონომიკურ ვითარებას და ნამდვილად არის ქვეყნის უმთავრესი საერთაშორისო ფინანსური პარტნიორი. ვიმსჯელეთ მიმდინარე ეკონომიკურ საკითხებსა და პანდემიით გამოწვეულ სირთულეებზე. იმედს გამოვთქვამთ, რომ ეს რთული ეპიდემიოლოგიური ვითარება ეტაპობრივად გამოსწორდება, რაც განაპირობებს ბიზნესგარემოს გაუმჯობესებასა და არსებულ გამოწვევებთან გამკლავებას“, - განაცხადა საქართველოს ბიზნეს ასოციაციის პრეზიდენტმა, სოსო ფხაკაძემ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს