პარლამენტის იურიდიულ საკითხთა კომიტეტის თავმჯდომარე, ანრი ოხანაშვილი არასამთავრობო ორგანიზაციის წევრებს ხვდება, სადაც კომიტეტის სამომავლო გეგმებზე ისაუბრებენ.
“ახალგაზრდა იურისტთა ასოციაციის" იურისტის ვახუშტი მენაბდეს განცხადებით, მისი ორგანიზაცია კომიტეტს გააცნობს საკუთარ შეხედულებებს, რაც უკავშირდება სასამართლო რეფორმებს.
"გვაქვს ჩვენი შეხედულებები, რა იქნება მთავარი პრობლემები და რაზეც ყურადღება უნდა გავამახვილოთ. ეს უკავშირდება, რა თქმა უნდა, იუსტიციის უმაღლესი საბჭოს დაკომპლექტებას, ასევე უზენაესი სასამართლოს დაკომპლექტებას და სასამართლო რეფორმას. სიანტერესოა ოპოზიციისგან დაცლილ პარლამენტში, უმრავლესობას მომავლის რა ხედვა ექნება",- განაცხადა მენაბდემ.
რაც შეეხება 2024 წლის საპარლამენტო არჩევნებზე ბარიერის დაწევას, მენაბდე ამბობს, რომ ახალგაზრდა იურისტთა ასოციაცია ბუნებრივი ბარიერის მომხრეა.
“113 დეპუტატის გარეშე კონსტიტუციური ცვლილება ვერ განხორციელდება და ეს წინადადება წინადადებად დარჩება",- განაცხადა ვახუშტი მენაბდემ.