გენადი არველაძე - ჩვენივე ინტერესისთვის მოვამზადეთ და გავუზიარეთ აშშ-ს ვაჭრობის დეპარტამენტს თავისუფალი ვაჭრობის მიზანშეწონილობის კვლევა, ასევე აღნიშნულზე გვქონდა კონგრესში კომუნიკაცია

ჩვენივე ინტერესისთვის მოვამზადეთ და გავუზიარეთ აშშ-ს ვაჭრობის დეპარტამენტს თავისუფალი ვაჭრობის მიზანშეწონილობის კვლევა, ასევე აღნიშნულზე გვქონდა კონგრესში კომუნიკაცია, - ამის შესახებ ეკონომიკისა და მდგრადი განვითარების მინისტრის მოადგილე გენადი არველაძემ ევროპასთან ინტეგრაციისა და დარგობირივი კომიტეტის გაერთიანებულ სხდომაზე განაცხადა, რითაც უპასუხა კითხვას, რა ეტაპზეა აშშ-თან თავისუფალი ვაჭრობის მიმართულებით მუშაობა.

როგორც მინისტრის მოადგილე აღნიშნავს, საქართველო თავისუფალი ვაჭრობის შეთანხმების კუთხით რაიმე ოფიციალურ მოლაპარაკებებს არ აწარმოებს, თუმცა, მიმდინარეობს არაოფიციალური კონსულტაციები სხვადასხვა ფორმატში იმ მიმართულებებზე, რომელიც თავისუფალი ვაჭრობის შემადგენელ ნაწილებად ითვლება.

„რაც შეეხება აშშ-ის, ჩვენ აშშ-სთან არასდროს გახლდით უშუალოდ თავისუფალი ვაჭრობის შეთანხმების მოლაპარაკების პროცესში, ჩვენ ჩვენივე ინტერესისთვის მოვამზადეთ და გავუზიარეთ აშშ-ს ვაჭრობის დეპარტამენტს მიზანშეწონილობის კვლევა, ასევე გვქონდა კონგრესში აღნიშნულზე კომუნიკაცია. ამ დოკუმენტში მოცემულია კონკრეტული საკითხები, სადაც შეიძლება ორივე მხარემ, როგორც ექსპორტის, იმპორტის და ტურიზმის მიმართულებით მივიღოთ ბენეფიტები, რა მიმართულებით უნდა გადაიდგას ნაბიჯები გარკვეულ რეკომენდაციებს იძლევა ეს მიზანშეწონილობის კვლევა, აქედან გამომდინარე ჩვენ ყოველწლიურად ექსპერტულ დონეზე აშშ-ის ვაჭრობის წარმომადგენლობასთან ვაწარმოებთ სხვადასხვა მიმართულებით კონსულტაციებს. ჩვენ ოფიციალურ არც მოლაპარაკებებში და კონსულტაციებში არ ვიმყოფებით, თუმცა, არაოფიციალურ კონსულტაციებს როგორც გითხარით ვაწარმოებთ, გვაქვს გარკვეული პოლიტიკური მხარდაჭერა და იმედი გვაქვს, რომ ეკონომიკურ ნაწილში ჩვენ გავზრდით და უფრო გავააქტიურებთ ამ დიალოგს. გვაქვს ფორმატები მაღალი დონის დიალოგი ვაჭრობასა და ინვესტიციებზე, რომლის ფარგლებშიც ჩვენ ვაწარმოებთ მოლაპარაკებებს და ეს ფორმატიც და სხვა ფორმატებიც გამოყენებული იქნება იმისთვის, რომ ეს პროცესი წინ წავწიოთ, იმედი მაქვს ახალი ადმინისტრაციის პირობებში, ჩვენ აღნიშნული მიმართულებით პროგრესის ჩვენებას შევძლებთ,“- განაცხადა არველაძემ.

რაც შეეხება ინდოეთთან თავისუფალი ვაჭრობის შესახებ შეთანხმებას, როგორც გენადი არველაძე აღნიშნავს, პანდემიამ პროცესი გადადო, თუმცა, მიმდინარეობს კონსულტაციები რომ სწრაფად ჩაინიშნოს მოლაპარაკების პირველი რაუნდი.

„ინდოეთთან როგორც იცით, დასრულებული გვაქვს მიზანშეწონილობის კვლევა და მზადყოფნა არის, რომ მოლაპარაკების რაუნდები გავმართოთ, თუმცა, გამომდინარე იქიდან, რომ იყო პანდემია, გვქონდა გასულ წელს მარტში მოლაპარაკებების პირველი რაუნდი დაგეგმილი, ამ პანდემიამ გადადო ეს პროცესი და ახლა უკვე აქტიურად ვთანამშრომლობთ სახელისუფლებო სხვადასხვა მიმართულებით, დიპლომატიური არხებით, მათ შორის ეკონომიკის და ვაჭრობის სამინისტროებს შორის მიმდინარეობს კონსულტაცია, რომ რაც შეიძლება სწრაფად დაიგეგმოს პირველი რაუნდი თუნდაც, ონლაინ რეჟიმში,“-განაცხადა არველაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი