ნიკა მელიას მიმართ საპატიმრო თუ არასაპატიმრო ღონისძიების გამოყენების საკითხი უშუალოდ ერთი ადამიანის ხელშია - ეს ადამიანი ბატონი მელია გახლავთ, - ასე უპასუხა ადამიანის უფლებათა დაცვის კომიტეტის თავმჯდომარემ მიხეილ სარჯველაძემ კითხვას, "ნაციონალური მოძრაობის" თავმჯდომარის მიერ გირაოს არ გადახდის შემთხვევაში, დადგება თუ არა დღის წესრიგში მის მიმართ პატიმრობის გამოყენების საკითხი.
სარჯველაძის თქმით, აღნიშნულთან დაკავშირებით სიტყვა ეკუთვნის პროკურატურას და თავად დეპუტატს, ვისი ბედიც უნდა იქნას გადაწყვეტილი.
"მელიას არგუმენტი არა აქვს, თუ რატომ არ უნდა გადაიხადოს გირაო. არ არსებობს ახსნა და სწორად მოტივირებული მსჯელობა. ვნახოთ, როგორი იქნება მისი პოზიცია მომავალში", - განაცხადა მიხეილ სარჯველაძემ.