2020 წელს შსს-მ ოჯახში ძალადობის 9144 მსხვერპლი გამოავლინა, საიდანაც 7573 ქალია

საქართველოს სტატისტიკის ეროვნული სამსახურის ინფორმაციით, 2020 წლის განმავლობაში, მთელი ქვეყნის მასშტაბით, შინაგან საქმეთა სამინისტრომ ოჯახში ძალადობის 9144 მსხვერპლი და 8716 მოძალადე დააფიქსირა.

როგორც „საქსტატის“ მიერ გამოქვეყნებულ ინფორმაციაშია ნათქვამი, გასულ წელს, მთელი ქვეყნის მასშტაბით, ოჯახში ძალადობის მსხვერპლთაგან, 7573 ქალი იყო, 1571 კი კაცი. რაც შეეხება მოძალადეებს, მათგან 7197 კაცი იყო, 1519 კი ქალი.

რაც შეეხება თბილისში ოჯახში მოძალადეთა და მსხვერპლთა ოდენობას, დედაქალაქში 4203 მსხვერპლი და 3958 მოძალადე დაიდენტიფიცირდა. გამოქვეყნებული ინფორმაციის მიხედვით, თბილისში, ოჯახში ძალადობის როგორც მსხვერპლ, ასევე მოძალადეთა უმრავლესობა 25-44 ასაკობრივ კატეგორიაშია.

რაც შეეხება რეგიონებს, გასულ წელს, ოჯახში ძალადობის ყველაზე მეტი მსხვერპლი (852) და მოძალადე(849) აჭარის რეგიონში იყო.

იხილეთ ვიდეო:2020 წელს შსს-მ ოჯახში ძალადობის 9144 მსხვერპლი გამოავლინა, საიდანაც 7573 ქალია

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს