პარლამენტის ვიცე-სპიკერის ლევან იოსელიანის განცხადებით, ვისაც რაიმე მტკიცებულება აქვს 2020 წლის არჩევნების შესაძლო გაყალბებასთან დაკავშირებით, საგამოძიებო კომისიის სხდომაზე წარმოადგინოს.
"ერთი მოთხოვნა მაქვს, ვისაც რაიმე მტკიცებულება აქვს, კომისიაზე წარმოადგინოს. მათთან ერთად ამ მტკიცებულებებით ხელში ვიბრძოლებ, რომ ეს გაყალბება დავამტკიცო, მაგრამ თუ ასეთი რამის წარმოდგენაზე უარს ამბობენ, მათ მაგივრად ამას ვერ და არ გავაკეთებ", - განაცხადა იოსელიანმა.
რაც შეეხება, პარტია “ევროპული საქართველოს” პოზიციას, რომ უარს ამბობენ მტკიცებულებების წარმოდგენაზე, იოსელიანი პასუხობს, რომ "ევროპულ საქართველოზე" საუბარი საერთოდ არ სურს.
"ევროპულ საქართველოზე” უკვე ბევრი ვისაუბრეთ. ამ პროცესში მათი როლის მიმართ ჩვენი დამოკიდებულება იცით. აქედან გამომდინარე, ამ კინკლაობის გაგრძელებას აღარ ვაპირებ", -განაცხადა იოსელიანმა.