კახაბერ კუჭავა სამხრეთ კავკასიაში მსოფლიო ბანკის რეგიონულ დირექტორს შეხვდა

პარლამენტის თავმჯდომარის მოადგილე, კახაბერ კუჭავა სამხრეთ კავკასიაში მსოფლიო ბანკის რეგიონულ დირექტორს, სებასტიან მოლინეუსს შეხვდა. პარლამენტის პრესსამსახურის ინფორმაციით, შეხვედრის ძირითადი თემა მსოფლიო ბანკის მიერ საქართველოში განხორციელებული პროექტები, მიღებული შედეგები და ის სამომავლო გეგმები იყო, რომელშიც კვლავ აქტიურად იქნება ჩართული მსოფლიო ბანკის საერთაშორისო საფინანსო კორპორაცია.

„შეხვედრაზე საუბარი, ასევე, შეეხო კოვიდ-19-ის პანდემიის შემდგომ პერიოდში ქვეყნის ეკონომიკის აღსადგენად გასატარებელ ღონისძიებებსა და იმ მხარდაჭერას, რომელსაც მსოფლიო ბანკი საქართველოში წლების განმავლობაში ახორციელებს. პარლამენტის თავმჯდომარის მოადგილემ, სებასტიან მოლინეუსს მადლობა გადაუხადა გაწეული დახმარებისა და აქტიური თანამშრომლობისათვის.

„მსოფლიო ბანკის საერთაშორისო საფინანსო კორპორაცია, არის ორგანიზაცია, რომელსაც საქართველოსთვის, მისი დამოუკიდებლობის მოპოვების შემდეგ, უდიდესი მხარდაჭერა აქვს განხორციელებული. შეხვედრაზე რეგიონულმა დირექტორმა იმ ამბიციურ გეგმებსა და პროგრამებზე ისაუბრა, რომელთა განხორციელებასაც საქართველოში გეგმავენ. საუბარია როგორც ვაქცინაციის პროცესებზე, ასევე, პოსტ-კოვიდურ პერიოდში ეკონომიკის სტიმულირების და აღდგენის პროგრამებზე“, - განაცხადა კახაბერ კუჭავამ.

თავმჯდომარის მოადგილემ „მსოფლიო ბანკის“ რეგიონულ დირექტორს საპარლამენტო გეგმებზეც მიაწოდა ინფორმაცია. კახაბერ კუჭავამ სებასტიან მოლინეუსს გააცნო ის პრიორიტეტები, რომლებზეც საკანონმდებლო ორგანო აქტიურად მუშაობს და აერთიანებს როგორც ქვეყნის საგარეო პოლიტიკურ მიმართულებებს, ასევე, საქართველოში მიმდინარე დემოკრატიულ რეფორმებსა და დემოკრატიული ინსტიტუტების გაძლიერების საკითხებს“,-აღნიშნულია ინფორმაციაში.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს