თბილისში, კერესელიძის ქუჩის 2 ნომერში გაჩენილი ხანძარი ლიკვიდირებულია - შემთხვევის შედეგად მსუბუქად დაშავდა ერთი პირი, - ამის შესახებ საგანგებო სიტუაციების მართვის სამსახურის თბილისის მთავარი სამმართველოს უფროსმა ოთარ კერესელიძემ ჟურნალისტებთან საუბრისას განაცხადა.

მისივე თქმით, აღნიშნული ტერიტორია არის კერძო საკუთრება და ამ დროისთვის ხანძრის გამომწვევი მიზეზი უცნობია.

“მეგალაინის" მიმდებარე ტერიტორიაზე, კერესელიძის ქუჩის 2 ნომერში ხანძარი გაუჩნდა სასაწყობე ფართს. კვადრატულობა დგინდება, ადგილზე ოპერატიულად იქნა მობილიზებული 7 სახანძრო ცისტერნა. იყო ხანძრის გავრცელების საფრთხე, თუმცა მეხანძრე-მაშველების დროული რეაგირების შედეგად მოხდა ხანძრის დროული ლოკალიზება. ხანძარი ამ დროისათვის არის ლიკვიდირებული. დაშავებულია მსუბუქად ერთი მოქალაქე, რომელმაც ხელზე მიიღო მცირედი დამწვრობა. "მეგალაინის" დირექტორის თქმით, აღნიშნული ტერიტორია არ ეკუთვნის "მეგალაინს" არის კერძო შპს. ხანძრის გამომწვევი მიზეზები ამ დროისთვის უცნობი", - განაცხადა კერესელიძემ.