ლევან დავითაშვილი გიორგი შაქარაშვილის სახელობის წყაროს გახსნას დაესწრო

თბილისის საკრებულოს ისნის რაიონის მაჟორიტარი დეპუტატი ლე­ვან დავითაშვილი, ამავე რაიონის გამგებელ კახა ლაბუჩიძესთან და საუბნო განყოფილების ხელმძღვანელ ხვიჩა ჩალაბაშვილთან ერთად გიორგი შაქარაშვილის წყაროს გახსნას დაესწრო. ამის შესახებ ინფორმაციას თბილისის საკრებულოს პრესსამსახური ავრცელებს.

მათი ინფორმაციით, დღეიდან ვაზისუბანში ტრაგიკულად დაღუპული 19 წლის ფეხბურთელის, გიორგი შაქარაშვილის ხსოვნის უკვდავსაყოფად მისი სახელობის წყარო იფუნქციონირებს. მას დღეს 20 წელი შეუსრულდებოდა.

როგორც თბილისის საკრებულოში აღნიშნავენ, წყარო გიორგი შაქარაშვილის მეგობრების ინიციატივით და დედაქალაქის საკრებულოს ვაზისუბნის მაჟორიტარი დეპუტატის, ლე­ვან დავითაშვილის მხარდაჭერით აშენდა.

"დღეს გიორგის დაბადების დღეა. გადავწყვიტეთ, მისი ხსოვნის პატივსაცემად უბანში, სადაც გიორგი შაქარაშვილი დაიბადა და გაიზარდა, მისი სახელობის წყარო აგვეგო.

გიორგი შაქარაშვილის, ისევე, როგორც ნებისმიერი ახალგაზრდის გარდაცვალება არა მხოლოდ უბნის ან დედაქალაქის, არამედ მთელი ქვეყნის ტრაგედიაა და ვისურვებდი, რომ მსგავსი რამ აღარასროს განმეორდეს" - განაცხადა დავითაშვილმა.

თბილისის საკრებულოს პრესსამსახურის ცნობით, წყაროს გახსნას ლე­ვან დავითაშვილთან ერთად ისნის რაიონის გამგებელი კახა ლაბუჩიძე, საუბნო განყოფილების ხელმძღვანელი ხვიჩა ჩალაბაშვილი, გიორგი შაქარაშვილის ოჯახის წევრები და თანატოლები დაესწრნენ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი