ბაჩუკი ქარდავა „რესპუბლიკელების“ ინიციატივაზე - რაც არ უნდა ლამაზად ჟღერდეს და საარჩევნო კანონმდებლობასთან იყოს დაკავშირებული, პარლამენტში შესვლა არა მორალის, არამედ პოლიტიკური პრინციპულობის საკითხია

რაც არ უნდა ლამაზად ჟღერდეს ეს საკითხი, თუნდაც საარჩევნო კანონმდებლობასთან დაკავშირებული იყოს, მიმაჩნია, რომ პარლამენტში შესვლა არა მორალის, არამედ პოლიტიკური პრინციპულობის საკითხია, - ასე ეხმაურება „ნაციონალური მოძრაობის“ ბლოკის წევრი ბაჩუკი ქარდავა „რესპუბლიკური პარტიის“ ინიციატივას.

როგორც „ინტერპრესნიუსს“ ქარდავამ განუცხადა, თუ იარსებებს ფორმატი, სადაც საარჩევნო კანონმდებლობას განიხილავენ, „ნაციონალური მოძრაობა“ მონაწილეობას მიიღებს, თუმცა არა პარლამენტის ფარგლებში.

„ჩემი პოზიცია ამ პარლამენტთან მიმართ ბევრად უფრო მკაცრია. მიმაჩნია, პარლამენტის ლეგიტიმაციის საკითხი გარკვეულია და ამ პარლამენტს ლეგიტიმაცია არ აქვს, ქართველი ხალხის საკანონმდებლო ორგანო იყოს. სწორედ ამიტომ მოხდა ჩვენი მხრიდან ბოიკოტი. ნებისმიერი საკითხის მიუხედევად, რაც არ უნდა ლამაზად ჟღერდეს ეს საკითხი, თუნდაც იყოს საარჩევნო კანონმდებლობასთან დაკავშირებული, მიმაჩნია, რომ პარლამენტში შესვლა არა მორალის, არამედ პოლიტიკური პრინციპულობის საკითხია. არაერთი კომისია ყოფილა საარჩევნო კანონმდებლობის და თუ იარსებებს ასეთი, ბუნებრივია, ასეთ ფორმატებში მივიღებთ მონაწილეობას. ჩვენი წინადადებები გვაქვს და მზად ვართ, გავაჟღეროთ, მაგრამ არა პარლამენტის ფორმატში“,- განაცხადა ქარდავამ.

ცნობისთვის, „რესპუბლიკური პარტიის“ ლიდერის ხათუნა სამნიძის განცხადებით, თუ „ქართული ოცნება“ პარლამენტში დაარეგისტრირებს კანონპროექტს, რომელიც არჩევნების პროპორციული წესითა და ბუნებრივი ბარიერით ჩატარებას უზრუნველყოფს, პარტია მზადაა მხოლოდ ამ კანონპროექტის კენჭისყრაში მიიღოს მონაწილეობა.

როგორც მან „ინტერპრესნიუსს“ განუცხადა, ამგვარი ქცევა, პარლამენტში შესვლას არ ნიშნავს.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს