გიორგი კანდელაკი - რუსეთ-საქართველოს ომის დაწყების 100 წლისთავი ფართოდ უნდა აღინიშნებოდეს

“ევროპული საქართველოს” წევრის გიორგი კანდელაკის განცხადებით, რუსეთ-საქართველოს ომის დაწყების 100 წლისთავი ფართოდ უნდა აღინიშნებოდეს. ამის შესახებ კანდელაკმა მოსწავლე ახალგაზრდობის სასახლის წინ ბრიფინგზე განაცხადა.

როგორც კანდელაკმა აღნიშნა, ეს დღე მნიშვნელოვანი ისტორიული თარიღია და 1921 წლის 11 თებერვლის მდგომარეობით საქართველოს ფაქტიური საზღვრების დაზუსტებული რუკა წარადგინა.

„პირველ რიგში აღვნიშნავ რომ ეს თარიღი მთელ ქვეყანაში ფართოდ უნდა აღინიშნებოდეს. დღიდან 25 თებერვლის ჩათვლით ყოველდღე უნდა იმართებოდეს ღონისძიებები მთელი ქვეყნის მასშტაბით და ჩვენს საელჩოებში, რადგან 11 თებერვლიდან 17 მარტამდე, როცა საქართველოს სრული ოკუპაცია მოხდა, განსაზღვრა ჩვენი ქვეყნის ტრაგიკული ბედი მე-20 საუკუნის განმავლობაში. ამავე დროს, წარმოდგენილი რუკა გვაჩვენებს თუ რა ტერიტორიაზე ვრცელდებოდა საქართველოს დემოკრატიულად არჩეული მთავრობის იურისდიქცია და ეფექტური კონტროლი საბჭოთა რუსეთის აგრესიის დაწყების მომენტისათვის, რომელიც როგორც ცნობილია იოსებ სტალინის ინიციატივით დაჩქარდა. ეს რუკა გვაჩვენებს, თუ რომელი ტერიტორიები გადაეცათ საქართველოს მეზობლებს იოსებ სტალინის პირადი მითითებითა და ინიციატივით: ესენია ართვინის და არდაღანის პროვინციები თურქეთს, ლორე სომხეთს, ივრისპირეთი, სადავო ზაქათალა და ყარაიას ველი აზერბაიჯანს, რომელზეც მოხვდა კიდეც დავით გარეჯის კომპლექსის მცირე ნაწილი. როგორც ცნობილია 1991 წლის შემდეგ საქართველოს ყველა მთავრობა ცდილობდა ამ ნაწილის სხვა ტერიტორიაში გაცვლას, რის გამოც ის არ არის შეთანხმებული. როგორც ცნობილია, 1991 წელს ყველა საბჭოთა რესპუბლიკამ ესტონეთიდან დაწყებული ტაჯიკეთით დამთავრებული, მათ შორის საქართველომ, დამოუკიდევლობა სწორედ 1991 წლის საბჭოთა ადმინისტრაციული საზღვრების ფარგლებში გამოაცხადა. იმ ფაქტს, რომ საერთაშორისო სამართლის ეს ფუნდამენტური გარემოება საჯარო დისკუსიაში მივიწყებულია “ქართული ოცნება” უბრალოდ ბოროტად იყენებს და აქტიურად მონაწილეობს ჰიბრიდული ომის ამ ოპერაციაში, რომლის მიზანიცაა ჩვენი საზოგადოების გახლეჩვა პატრიოტულ საკითხზე, ფოკუსის გადატანა რუსული ოკუპაციიდან სხვა პრობლემაზე, ურთიერთობების გაფუჭება აზერბაიჯანთან და პროდასავლური ძალების დისკრედიტაცია. ამავე დროს, ისიც კანონზომიერია, რომ “ქართული ოცნება”, როგორც კომუნისტური პარტიის პოლიტიკური მემკვიდრე, ცხადია არაფერს ამბობს იმის შესახებ თუ ვისი ინიციატივით ჩამოეჭრა ეს ტერიტორიები საქართველოს”, - განაცხადა კანდელაკმა.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან