გვირაბგამყვანი მანქანის ტრანსპორტირებასთან დაკავშირებულ საკითხებზე სამუშაო შეხვედრა გაიმართა

გვირაბგამყვანი მანქანის (TBM-ის) ტრანსპორტირებასთან დაკავშირებულ საკითხებზე სამუშაო შეხვედრა გაიმართა.

როგორც „ინტერპრესნიუსს“ საქართველოს საავტომობილო გზების დეპარტამენტიდან აცნობეს, ქვეშეთი-კობის 9 კმ-იანი გვირაბის მშენებლობისთვის გვირაბის მბურღავი მანქანის (TBM-ის) დანადგარების ფოთის პორტიდან ტრანსპორტირების გამოწვევების გადაჭრის მიზნით, საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის თავმჯდომარის მოადგილე გიორგი ციბაძე სატრანსპორტო კომპანიის, საპატრულო პოლიციის დეპარტამენტის, დაცვის პოლიციის სამსახურის და საპროექტო სამსახურების წარმომადგენლებს შეხვდა.

მათივე ინფორმაციით, შეხვედრაზე განიხილეს TBM-ის დანადგარების უსაფრთხო ტრანსპორტირების უზრულველსაყოფად ყველა საჭირო ტექნიკური თუ ლოგისტიკური საკითხი.

„ამასთან, სპეციალისტების მიერ უკვე ჩატარდა არაგაბარიტული ტვირთების გადატანისათვის აუცილებელი ხიდების გამოცდის სამუშაოები. ფოთის პორტიდან გვირაბგამყვანი მანქანის დანადგარების ტრანსპორტირება რამდენიმე კვირაში დაიწყება. TBM-ის საშუალებით 9 კმ-იანი სატრანსპორტო გვირაბის მშენებლობა, საქართველოში პირველად განხორციელდება. TBM ერთ-ერთი ყველაზე მაღალტექნოლოგიური გვირაბგამყვანი მანქანაა. ამ მეთოდით გვირაბის მშენებლობა მნიშვნელოვნად ამცირებს გარემოზე ზემოქმედებას და მეტად უსაფრთხოა. გვირაბგამყვანი მანქანა, გვირაბის გაყვანის პარალელურად, უზრუნველყოფს გვირაბის ბეტონით მოპირკეთებას, რაც კიდევ უფრო ზრდის უსაფრთხოების სტანდარტს. ქვეშეთი-კობის 23 კმ-იანი გზისა და 9 კმ-იანი გვირაბის მშენებლობის ინტენსიური სამშენებლო სამუშაოები მიმდინარე წელს დაიწყება. გვირაბი, რომელიც ქვეშეთი-კობის მაგისტრალური გზის პროექტის ფარგლებში აშენდება, სიგრძით 9 კმ, ხოლო სიგანით 15 მეტრი იქნება და მისი ანალოგი, არა მხოლოდ საქართველოში, არამედ რეგიონში არ იარსებებს“, - აღნიშნულია გავრცელებულ ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი