თეა ახვლედიანი აშშ-ის საერთაშორისო განვითარების სააგენტოს მისიის ხელმძღვანელს შეხვდა

შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა თეა ახვლედიანმა შეხვედრა გამართა აშშ-ის საერთაშორისო განვითარების სააგენტოს (USAID) მისიის ხელმძღვანელთან პიტერ ვიბლერთან.

აშშ-ის საერთაშორისო განვითარების სააგენტოს (USAID) ინფორმაციით, სახელმწიფო მინისტრმა აღნიშნა აშშ-ის საერთაშორისო განვითარების სააგენტოს მიერ კონფლიქტით დაზარალებული მოსახლეობისა და ეთნიკური უმცირესობების წარმომადგენლების მხარდაჭერის მნიშვნელობა და ამ კონტექსტში მადლიერება გამოხატა პანდემიის დროს სააგენტოს მიერ საქართველოს აფხაზეთისა და ცხინვალის რეგიონებში მცხოვრები მოსახლეობის, ისევე როგორც ეთნიკური უმცირესობების წარმომადგენლებისთვის გაწეული დახმარებისთვის.

ამასთან, თეა ახვლედიანმა ხაზი გაუსვა ორგანიზაციის მნიშვნელოვან როლს კონფლიქტის მშვიდობიანი მოგვარებისა და ნდობის აღდგენის პროცესში, ასევე დეზინფორმაციასთან და პროპაგანდასთან ბრძოლის მიმართულებით.

„შეხვედრაზე მხარეებმა მიმოიხილეს აშშ-ის საერთაშორისო განვითარების სააგენტოს მიმდინარე და დაგეგმილი პროექტები, მათ შორის განვითარებისა და თანამშრომლობის ახალი სტრატეგიით გათვალისწინებული პრიორიტეტები. საუბარი შეეხო ორმხრივი ურთიერთობების შემდგომი გაღრმავების პერსპექტივებს და სამომავლო თანამშრომლობის გეგმებს როგორც შერიგებისა და ჩართულობის, ისე სამოქალაქო თანასწორობისა და ინტეგრაციის პოლიტიკის განხორციელების პროცესში.

ამასთან, თეა ახვლედიანი შეეხო ორივე მიმართულებით მიღწეულ შედეგებსა და არსებულ გამოწვევებს. საქართველოს ოკუპირებულ რეგიონებში შექმნილ მძიმე ვითარებაზე საუბრისას, სახელმწიფო მინისტრმა განსაკუთრებული აქცენტი გააკეთა საქართველოს მოქალაქეების უკანონო დაკავების ფაქტებზე და ხაზი გაუსვა საერთაშორისო პარტნიორების მხრიდან ძალისხმევის გაგრძელების აუცილებლობას, ყველა უკანონოდ დაკავებული პირის უპირობო და დაუყოვნებელი გათავისუფლების უზრუნველსაყოფად. თეა ახვლედიანმა კიდევ ერთხელ ხაზგასმით აღნიშნა შერიგებისა და ჩართულობის, ასევე სამოქალაქო თანასწორობისა და ინტეგრაციის პოლიტიკის განხორციელების პროცესში საქართველოს სტრატეგიული პარტნიორის, ამერიკის შეერთებული შტატების მტკიცე მხარდაჭერისა და ჩართულობის გაგრძელების მნიშვნელობას“,-აღნიშნულია USAID-ის მიერ გავრცელებულ ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი