დავით ზალკალიანი აცხადებს, რომ Covax პლატფორმის მიღმა, ვაქცინის მიღებაზე მუშაობა მიმდინარეობს და “მნიშვნელოვანი ხელშესახები შედეგები” იქნება უახლოეს პერიოდში

საგარეო საქმეთა მინისტრი, ვიცე-პრემიერი დავით ზალკალიანი აცხადებს, რომ Covax პლატფორმის მიღმა ვაქცინის მიღებასთან დაკავშირებით მუშაობა მიმდინარეობს.

როგორც მინისტრმა აღნიშნა, ამ მიმართულებით უახლოეს პერიოდში ხელშესახები შედეგები გვექნება.

„ძალიან ძნელია კონკრეტულ თარიღებზე საუბარი. სიტუაცია არა მხოლოდ საქართველოში, არამედ მთელ მსოფლიოში ძალიან სწრაფად იცვლება. ჩვენ რა თქმა უნდა, ველით, რომ ის რაც უკვე დაკონტრაქტებულია Covax-ის პლატფორმით მივიღოთ, მაგრამ ასევე მინდა გითხრათ, რომ Covax პლატფორმის მიღმა ვმუშაობთ ორმხრივად ჩვენს პარტნიორებთან და ამ მხრივ მნიშვნელოვანი შედეგი გვაქვს. არ მინდა მოვლენებს გავუსწრო და მაღალი მოლოდინები შევქმნა, მაგრამ მერწმუნეთ, რომ ჩვენ გვექნება მნიშვნელოვანი ხელშესახები შედეგები უახლოეს პერიოდში ამ მიმართულებით, მხედველობაში მაქვს Covax-ის პლატფორმის მიღმა საქართველოში ვაქცინის შემოტანაზე. ინდივიდუალურად ყველა ქვეყანასთან ვმუშაობთ, რომ ის, რაც მათთვის იქნება ზედმეტი, მოწოდებული იქნას საქართველოსთვის. იყო სპეკულაციები მალტასთან დაკავშირებით, რომელიც აბსოლუტურად ცრუ ინფორმაცია აღმოჩნდა“,-განაცხადა დავით ზალკალიანმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს