თბილისის საკრებულოს თავმჯდომარე საქართველოში ბულგარეთის ელჩს შეხვდა

თბილისის საკრებულოს თავმჯდომარე გიორგი ტყემალაძე ბულგარეთის რესპუბლიკის საგანგებო და სრულუფლებიან ელჩს საქართველოში დესისლავა ივანოვას შეხვდა.

თბილისის საკრებულოს მიერ გავრცელებული ინფორმაციით, შეხვედრას თბილისის საკრებულოს სახელდების და სიმბოლიკის კომისიის თავმჯდომარე მიხეილ ამაშუკელი და ბულგარეთის რესპუბლიკის საელჩოს წარმომადგენელი ესწრებოდნენ.

თბილისის საკრებულოს თავმჯდომარემ გიორგი ტყემალაძემ ბულგარეთის ელჩს სტუმრობისთვის მადლობა გადაუხადა და ორ ქვეყანას შორის ისტორიულ მეგობრობასა და თანამშრომლობაზე გაამახვილა ყურადღება. ასევე, შეხვედრაზე თბილისში, ერთ-ერთი გეოგრაფიული ობიექტისთვის ბულგარეთის დედაქალაქის - სოფიას სახელის მინიჭებასთან დაკავშირებით იმსჯელეს.

„საქართველოსა და ბულგარეთს ისტორიული მეგობრობა აკავშირებთ. ჩვენი ქვეყნები სხვადასხვა სფეროში თანამშრომლობენ. ბულგარეთი საერთაშორისო ასპარეზზე საქართველოს ერთ-ერთი აქტიური მხარდამჭერია. ვფიქრობ, თბილისში ბულგარეთის დედაქალაქის სოფიას სახელობის გეოგრაფიული ობიექტის გაჩენა კიდევ უფრო გააღრმავებს ორ ქვეყანას შორის მეგობრულ და დიპლომატიურ ურთიერთობებს“,- განაცხადა გიორგი ტყემალაძემ.

თავის მხრივ, ბულგარეთის ელჩმა დესისლავა ივანოვამ თბილისის საკრებულოს თავმჯდომარეს მეგობრული შეხვედრისთვის მადლობა გადაუხადა. მხარეები სამომავლო თანამშრომლობაზე შეთანხმდნენ.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს