„საქართველოს მედიატორთა ასოციაციის“ თავმჯდომარემ ირაკლი ყანდაშვილმა პარლამენტის იურიდიულ საკითხთა კომიტეტის თავმჯდომარესთან ანრი ოხანაშვილთან და იურიდიული კომიტეტის წევრებთან სამუშაო შეხვედრა გამართა.
„საქართველოს მედიატორთა ასოციაციის“ ინფორმაციით, ასოციაცია და საქართველოს პარლამენტის იურიდიულ საკითხთა კომიტეტი აქტიურად ითანამშრომლებენ, რათა საკანონმდებლო დონეზე სრულად დარეგულირდეს მედიაციის დანერგვა განვითარებისათვის ამ ეტაპზე არსებული საჭიროებები.
"მედიაციის გზით დავების გადაწყვეტის ეფექტიანი მექანიზმის დანერგვა უზრუნველყოფს სამართლის უზენაესობის კიდევ მეტად განმტკიცებას და მართლმსაჯულების კიდევ უფრო მეტ ხელმისაწვდომობას საზოგადოებისთვის",- განაცხადა ირაკლი ყანდაშვილმა.