მეუფე მიქაელის განცხადებით, წმინდა სინოდმა კორონავირუსის ვაქცინაციასთან დაკავშირებითაც იმსჯელა, რაზეც გადაწყვეტილება გამოქვეყნდება. მისი განცხადებით, ვაქცინაციასთან დაკავშირებით მღვდელმთავრები ფიქრობენ, რომ “ჯერ ჩამოყალიბდნენ პროფესიონალი კომპეტენტური პიროვნებები, რადგან ჯერ მსოფლიოშიც არ დალაგებულა ეს თემა“.

"ვაქცინასთან დაკავშირებით გადაწყვეტილებაც გამოქვეყნდება, ისევ იმ აზრზე ვართ“, - აღნიშნა მეუფე მიქაელმა.

ამასთან, კითხვაზე, მრევლს არჩევანის თავისუფლება ექნება თუ არა, მეუფე დადებითად პასუხობს.

"როგორ შეიძლება ახლა, გითხრათ: „გინდა, თუ არა ეს გააკეთე“ ან „გინდა თუ არა ის გააკეთე“ . მეც ვინ მეტყვის, რა უნდა გავაკეთო. ვფიქრობთ, რომ ჯერ ჩამოყალიბდნენ ის პროფესიონალი, კომპეტენტური პიროვნებები, რომლებსაც ექიმები ეწოდებათ. ჯერ მსოფლიოში არ დალაგებულა ეს თემა... ყველაფერი რომ დამტკიცდება და ჩამოყალიბდება... იცით, რას გეტყვით? თქვენგან, ვინც შეკითხვას მისვამთ, ბევრი მამა, ბევრი დედა ბრძანდებით, თქვენს შვილს უბრალო წამალიც რომ მიაწოდოთ, შეიძლება ცხრა ექიმთან გადარეკოთ და იქიდან გამომდინარე იმსჯელოთ და ჩვენ? აგერ, დაახლოებით მიხვდით, რაც გითხარით“, - მიმართა მეუფე მიქაელმა ჟურნალისტებს.