USAID-ი „საპარტნიორო ფონდთან“ თანამშრომლობის მნიშვნელოვნად გაღრმავებას და გაფართოებას გეგმავს

„საპარტნიორო ფონდს“ ამერიკის შეერთებული შტატების საერთაშორისო განვითარების სააგენტოს (USAID) დელეგაცია ეწვია, საქართველოში USAID-ის მისიის ხელმძღვანელის, პიტერ ვიბლერის ხელმძღვანელობით.

როგორც “ინტერპრესნიუსს" "საპარტნიორო ფონდიდან" აცნობეს, მისიის ხელმძღვანელმა „საპარტნიორო ფონდის“ მენეჯმენტს USAID-ის სამომავლო გეგმები გააცნო, რომელთა განხორციელებასაც აშშ-ის საერთაშორისო განვითარების სააგენტო საქართველოში ახლო მომავალში გეგმავს. პიტერ ვიბლერმა „საპარტნიორო ფონდთან“ თანამშრომლობის მნიშვნელოვნად გაღრმავებისა და სრულიად ახალ, გაფართოებულ დონეზე გადაყვანის შესაძლებლობების შესახებ ისაუბრა.

"ფონდში გამართულ შეხვედრაზე მისიის წარმომადგენლებმა ხაზი გაუსვეს „საპარტნიორო ფონდსა“ და USAID-ს შორის თანამშრომლობის უკვე არსებულ პოზიტიურ გამოცდილებას. მხარეებმა ისაუბრეს ფონდის შვილობილ კომპანია „სტარტაპ საქართველოსა“ და USAID Zrda -ს ერთობლივი პროექტის წარმატებულ შედეგებზე, რომელიც საოკუპაციო გამყოფი ზოლის მიმდებარე სოფლებში მეწარმეთა მხარდაჭერას გულისხმობს და რომლის ფარგლებში, პირობით საზღვართან უკვე რამდენიმე ინოვაციური საწარმო შეიქმნა.

„საპარტნიორო ფონდის“ აღმასრულებელმა დირექტორმა, დავით საგანელიძემ USAID-ის დელეგაციას ფონდის საქმიანობის დეტალები და სხვადასხვა სექტორში განხორციელებული მასშტაბური პროექტები გააცნო. ასევე, მან ფონდის რეფორმირების მიმდინარე პროცესის შესახებ ისაუბრა, რომელსაც საქართველოს პრემიერ-მინისტრის დავალებით შექმნილი ჯგუფი აწარმოებს. დავით საგანელიძემ მადლობა გადაუხადა USAID-ის მისიას და ზოგადად, აშშ-ს საქართველოში დემოკრატიული ინსტიტუტების, ეკონომიკისა და ბიზნესის განვითარებაში შეტანილი წვლილისთვის და გამოხატა მზადყოფნა სააგენტოსთან სხვადასხვა მიმართულებით თანამშრომლობის გასაღრმავებლად.

მხარეებმა სამომავლო თანამშრომლობის გაფართოებისთვის კონკრეტულ სექტორებში ერთობლივი პროექტების განხორციელების შესაძლებლობები განიხილეს",-ნათქვამია ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი