მაკა ბოჭორიშვილი კონრად ადენაუერის სახელობის ფონდის ხელმძღვანელებს შეხვდა

ევროპასთან ინტეგრაციის კომიტეტის თავმჯდომარე მაკა ბოჭორიშვილი კონრად ადენაუერის სახელობის ფონდის სამხრეთ-კავკასიის წარმომადგენლობის დირექტორს ტომას შრაპელს და დირექტორის მოადგილე ჯონათან ნოვაკს შეხვდა.

როგორც „ინტერპრესნიუსს“ საქართველოს პარლამენტიდან აცნობეს, მხარეებმა საქართველოს ევროკავშირში ინტეგრაციის პროცესზე და ამ კუთხით გერმანიის მხარდაჭერის მნიშვნელობაზე ისაუბრეს.

მაკა ბოჭორიშვილმა მადლობა გადაუხადა ფონდის ხელმძღვანელობას იმისთვის, რასაც კონრად ადენაუერის ფონდი საქართველოს მხარდასაჭერად აკეთებს, მათ შორის, საქართველოში საქართველოს ევროინტეგრაციის პროცესის ხელშეწყობისა და კომიტეტთან ეფექტიანი თანამშრომლობისთვის.

როგორც კომიტეტის თავმჯდომარემ აღნიშნა, ქვეყნის ევროპული ინტეგრაცია საქართველოს უმნიშვნელოვანეს პრიორიტეტს წარმოადგენს, რაც არა მხოლოდ საგარეო, არამედ საშინაო პოლიტიკის ძირითად მიმართულებებს განსაზღვრავს. მან ასევე, ისაუბრა საქართველოს სამომავლო გეგმებზე, რომელიც 2024 წელს ევროკავშირის წევრობის შესახებ ოფიციალური განაცხადის გაკეთებას გულისხმობს.

შეხვედრაზე მხარეებმა ურთიერთთანამშრომლობის სამომავლო გეგმები და პრიორიტეტები დასახეს.

„კონრად ადენაუერის ფონდი ევროპასთან ინტეგრაციის კომიტეტთან 2009 წლიდან თანამშრომლობს სხვადასხვა საკითხებზე, მათ შორის ერთ-ერთი მიმართულებაა ევროკავშირის შესახებ საზოგადოების ცნობადობის ამაღლება. ამასთან, 2018 წლიდან ადენაუერის ფონდმა, საქართველოს პარლამენტის ევროპასთან ინტეგრაციის კომიტეტთან ერთად, საფუძველი ჩაუყარა საპარლამენტო სტაჟირების პროგრამას. პროგრამის ფარგლებში, კონკურსის წესით შერჩეული სტაჟიორები გადიოდნენ ერთწლიან ანაზღაურებად სტაჟირებას კომიტეტში. ფონდის საპარლამენტო სტაჟიორები ასევე ჩართულნი იყვნენ ფონდის მიერ განხორციელებულ ტრენინგ პროგრამებსა და სემინარებში. 2018 წელს კომიტეტში იურიდიული ფაკულტეტის სამმა კურსდამთავრებულმა გაიარა ანაზღაურებადი სტაჟირება, ხოლო 2019 წელს ორმა კურსდამთავრებულმა“, - ნათქვამია პარლამენტის მიერ გავრცელებულ ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი