აქტივისტებმა შს სამინისტროსთან გადაინაცვლეს

სამოქალაქო აქტივისტებმა "ქართული ოცნების" ოფისის მიმდებარე ტერიტორიიდან შინაგან საქმეთა სამინისტროს შენობასთან გადაინაცვლეს.

მათ "ქართული ოცნების" ოფისთან დაკავებული ორი აქტივისტის ნიკა ნარსიასა და რუსკა მჭედლიძის გათავისუფლება მოითხოვეს.

გარდა ამისა, ისინი ქობულეთში, 14 წლის გოგოს თვითმკვლელობის ფაქტთან დაკავშირებით, ხელისუფლებას უმოქმედობაში ადანაშაულებენ და შინაგან საქმეთა მინისტრის გადადგომას ითხოვენ.

აქტივისტებმა შს სამინისტროსთან წარწერები დატოვეს: "სისტემა კლავს!", "გომელაური უნდა წავიდეს!".

"სისტემა კლავს იმიტომ, რომ არ მოქმედებს. მოქმედების დროა! კეთილი ინებეთ და მეტი ყურადღება გამოიჩინეთ უფლებამოსილების შესრულებისას. პოლიცია ხალხს უნდა ემსახუროს და არა ზემდგომს!",- მიმართეს შსს-თან შეკრებილმა აქტივისტებმა სამართალდამცველებს.

შს სამინისტროს შენობასთან სამართალდამცველები არიან მობილიზებული.

აქტივისტები მიიჩნევენ, რომ ხელისუფლების მიერ დაწესებული შეზღუდვები არაგონივრულია, რასაც ისინი არ ემორჩილებიან. მათ დღეს მსვლელობა გამართეს პარლამენტის შენობიდან "ქართული ოცნების" ოფისამდე, სადაც სამართალდამცველებსა და აქტივისტებს შორის დაპირისპირება მოხდა, რის შემდეგაც პოლიციამ ორი აქტივისტი დააკავა. შეხლა-შემოხლის დროს ორი ადამიანი შეუძლოდ გახდა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი