ირაკლი ქადაგიშვილი - თუ პროკურატურა პარლამენტს ნიკა მელიასთვის უფლებამოსილების შეჩერებაზე მიმართავს, ვიმსჯელებთ, მელია თვითონ ამბობს, ციხეში მინდა წასვლაო

თუკი პროკურატურა პარლამენტს ნიკა მელიასათვის უფლებამოსილების შეჩერების თაობაზე მიმართავს, რა თქმა უნდა, ვიმსჯელებთ - მელია ირჩევს და თვითონ ამბობს, ციხეში მინდა წასვლაო, - ასე უპასუხა ჟურნალისტების კითხვას პარლამენტის საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა.

ქადაგიშვილის შეფასებით, პიროვნების არჩევანია პროკურატურასთან და სამართალთან მიმართებით, დათანხმდება გირაოს თუ კიდევ უფრო მძიმე ფორმას - თავისუფლების აღკვეთას. ქადაგიშვილი იმასაც ამბობს, რომ არც ერთი ადამიანი არ დგას სახელმწიფოს, კანონსა და მოქალაქეებზე მაღლა.

"ის რომ ასეთი პროვოკაციებით ქვეყანას არევენ, საზღვარგარეთს გადაგვკიდებენ, ისეთივე გათვლებია, რა გათვლებიც არჩევნების გაყალბების აბსურდული თემით ჰქონდათ. სახელმწიფოსა და კანონის ინტერესი ყველაზე მაღალია. ყველამ უნდა ვიცოდეთ, რომ დანაშაული ვიღაცის იმედზე არ უნდა ჩავიდინოთ. ნურც მელია ჩაიდენს დანაშაულს ვიღაცის იმედზე. გათვლა მარტივია: მათ პროვოკაციას სიტუაციის კიდევ უფრო მეტად დაძაბვა უნდა მოჰყვეს - დაძაბულობის მატება როგორც ქვეყნის შიგნით, ასევე ქვეყნის გარშემო. ჩაფიქრებული აქვთ რევოლუციური, დესტაბილიზაციის სცენარის გათამაშება - ზედაპირზე დევს ეს ყველაფერი", - განაცხადა ირაკლი ქადაგიშვილმა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)