გიორგი გახარიას განცხადებით, ეკონომიკური აღდგენის გეგმის განხორცილებაში ადგილობრივ ხელისუფლებას და გუბერნატორებს დიდი მნიშვნელობა ენიჭებათ

საქართველოს პრემიერ-მინისტრის გიორგი გახარიას განცხადებით, ეკონომიკური აღდგენის გეგმის განხორცილებაში რეგიონების ადგილობრივ ხელისუფლებასა და გუბერნატორებს დიდი მნიშვნელობა ენიჭებათ.

როგორც გახარიამ რუხის საფეხბურთო კომპლექსის დათვალიერების შემდეგ ჟურნალისტებს განუცხადა, რეგიონებში ბევრი პროექტის განხორციელება სწორედ გუბერნატორების ეფექტიან მუშაობაზე იქნება დამოკიდებული.

„უაღრესად მნიშვნელოვანია გუბერნატორების ფუნქცია, როგორც ადგილობრივ ხელისუფლებასა და მთავრობას შორის მაკოორდინირებლის. მათ ეფექტიან მუშაობაზე იქნება დამოკიდებული რეგიონში ბევრი პროექტის განხორციელება. მოგეხსენებათ ჩვენ საკმაოდ სერიოზული გამოწვევების წინაშე ვართ. გლობალურ პანდემიას ვებრძვით, ვაქცინაციის ეტაპს დავიწყებთ უახლოეს პერიოდში და ამაშიც რეგიონების როლი უაღრესად მნიშვნელოვანია. გუბერნატორები პირდაპირ უნდა იყვნენ ამაში ჩართული და პასუხისმგებლები. ეკონომიკური აღდგენის პერიოდისთვისაც ვემზადებით. ამიტომ მნიშვნელოვანია, რომ განსაკუთრებით საშუალო ბიზნესი და რეგიონებში იყოს მხარდაჭერილი სწორად და მიზნობრივად. ეს იქნება ჩვენი ეკონომიკური აღდგენის გეგმის ძირითადი კომპონენტი და ამ გეგმის განხორციელებაში ადგილობრივ დონეს და გუბერნატორებს უაღრესად დიდი მნიშვნელობა ექნებათ“,- განაცხადა გახარიამ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი