გარწმუნებთ, რომ აბსოლუტურად არაფერი არ ხდება, ჩვენს ხელისუფლებაში მნიშნველოვანი საკადრო გადაადგილებები არ იგეგმება, - ამის შესახებ საქართველოს თავდაცვის მინისტრმა ირაკლი ღარიბაშვილმა მთავრობაში დაგეგმილ შესაძლო ცვლილებებთან დაკავშირებით ჟურნალისტების შეკითხვის საპასუხოდ განაცხადა.

მისივე თქმით, დესტრუქციული ოპოზიცია დაინტერესებულია იმით, რომ ქვეყანაში არასტაბილური გარემო შექმნას.

„ბოლო დღეებია ვუსმენ აჟიტირებულ კამპანიას, რომელიც მხოლოდ ერთ მიზანს ემსახურება, რომ რაიმენაირად საზოგადოებაში შეიტანონ შფოთვა და შექმნან წარმოდგენა თითქოს არეულობაა ჯგუფში. გარწმუნებთ, რომ აბსოლუტურად არაფერი არ ხდება, ჩვენს ხელისუფლებაში მნიშვნელოვანი საკადრო გადაადგილებები არ იგეგმება. დესტრუქციული ოპოზიცია მხოლოდ და მხოლოდ დაინტერესებულია იმით, რომ ქვეყანაში იყოს არასტაბილური გარემო“, - აღნიშნა ირაკლი ღარიბაშვილმა.