დავით ბაქრაძე - ცვლილებები აუცილებელია, მათ შორის საჭიროა პერსონალური გადაწყვეტილებების მიღება განახლებასთან დაკავშირებით

ცვლილებები აუცილებელია, მათ შორის ცვლილებები უნდა მოიცავდეს განახლებას. საჭიროა პერსონალური გადაწყვეტილებების მიღება განახლებასთან დაკავშირებით, - ამის შესახებ ჟურნალისტებს „ევროპული საქართველოს“ ლიდერმა დავით ბაქრაძემ განუცხადა, რომელიც ცოტა ხნის წინ პარტიის ოფისში მივიდა.

ბაქრაძის განცხადებით, დამატებითი კომენტარი პარტიის წარმომადგენლებთან შეხვედრის შემდეგ გაკეთდება.

„დღეს პარტიაში იქნება შეხვედრა გაფართოებული შემადგენლობით, რომელსაც დაესწრებიან პარტიის რეგიონული ლიდერები, ჩვენი რაიონული ორგანიზაციების თავმჯდომარეები. ყველა ერთად ვიმსჯელებთ იმაზე, რა ტიპის ცვლილებები უნდა მოხდეს პარტიაში. ცვლილებები აუცილებელია, მათ შორის ცვლილებები უნდა მოიცავდეს განახლებას. საჭიროა პერსონალური გადაწყვეტილებების მიღება განახლებასთან დაკავშირებით. ყველაფერს მოგახსენებთ შეხვედრის შემდეგ. არაკორექტული იქნება პარტიასთან შეთანხმების გარეშე, წინასწარ გავახმოვანო. ყველაფერს აგიხსნით მაშინ, როდესაც შეხვედრის შემდეგ შინაარსობრივი კომენტარი მექნება. ვიდრე პარტიაში არ შეთანხმდება პოზიცია და პარტიის წევრებს არ გავუზიარებთ იმას, რასაც ვფიქრობთ, არაკორექტული იქნება ეს გავაკეთო ჟურნალისტებთან“, - განაცხადა ბაქრაძემ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის