გიგი წერეთელი - პარტიაში აზრთა სხვადასხვაობა, დაპირისპირებაა, მაგრამ ისეთი დაპირისპირებები, რაც მედიისთვის საინტერესო იქნება, ნამდვილად არაა

„ევროპული საქართველოს“ ერთ-ერთი ლიდერის, გიგი წერეთლის განცხადებით, „პარტიაში აზრთა სხვადასხვაობა, დაპირისპირებაა, მაგრამ პიროვნული დაპირისპირებები, ხელშესახები ისეთი, რაც მედიისთვის საინტერესო იქნება, ნამდვილად არაა“.

„დღეს გავაგრძელებთ საუბარს და ალბათ, კიდევ უფრო სერიოზული ანალიზი იქნება. არა მარტო იმაზე, რა უნდა შევცვალოთ ამ წუთისთვის, არამედ იმაზე, თუ რა უნდა იყოს მომავალშიც. ბევრი გადაწყვეტილებაა მისაღები, საკმაოდ სერიოზული მსჯელობა მიდის და უახლოეს დღეებში, ამ კვირის განმავლობაში დავასრულებთ საბოლოოდ და გამოვაცხადებთ, რისი ინტერესიც აქვს საზოგადოებას. გადაწყვეტილებებზე ისაუბრებენ პარტიის ლიდერები, იმის შესახებ, რაც იქნება. მე არა მაქვს იმის მოლოდინი, რომ ვინმე პარტიის დატოვებას აპირებს, მაგრამ ის, რომ ლიდერებისა და ხელმძღვანელობის ფუნქციების ცვლილებები შეიძლება იყოს, ამაზე ბუნებრივია, ჩვენ ვმსჯელობთ. პარტიაში, თუ დავარქმევთ იმას, რომ აზრთა სხვადასხვაობაა, აზრთა დაპირისპირება არის, მაგრამ პიროვნული დაპირისპირებები მნიშვნელოვანი, ხელშესახები ისეთი, რომ მედიისთვის საინტერესო იყოს, ნამდვილად არაა. პარლამენტში შესვლა-არშესვლის საკითხი ნამდვილად არაა. აქაა საუბარი ისეთ საკითხებზე, რომელიც არჩევნების შემდეგ წამოიწია“, - განაცხადა წერეთელმა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს