ნინო წილოსანი ჩეხეთის ელჩს შეხვდა

აგრარულ საკითხთა კომიტეტის თავმჯდომარე ნინო წილოსანი ჩეხეთის რესპუბლიკის ელჩს საქართველოში, პეტერ მიკისკას შეხვდა, სადაც მხარეებმა გაცნობითი ხასიათის შეხვედრაზე, ძირითადი ყურადღება ორ ქვეყანას შორის სხვადასხვა სფეროში, განსაკუთრებით კი აგრარული მიმართულებით თანამშრომლობის საკითხებს დაუთმეს. ამის შესახებ ინფორმაციას საქართველოს პარლამენტი ავრცელებს.

ნინო წილოსანის განცხადებით, ევროინტეგრაციის პროცესში ეს შეხვედრა განსაკუთრებით მნიშვნელოვანია, ვინაიდან ჩეხეთის რესპუბლიკას და საქართველოს განსაკუთრებულად მჭიდრო თანამშრომლობა აკავშირებს.

როგორც ინფორმაციაშია აღნიშნული, აგრარულ საკითხთა კომიტეტის თავმჯდომარემ ელჩისგან ინფორმაცია მიიღო, იმ პროექტებისა და პროგრამების შესახებ, რომლებსაც ჩეხეთის რესპუბლიკა საქართველოში ახორციელებს და რომელთა დიდი ნაწილი მეტწილად დაცული ტერიტორიების და მიმდებარე სოფლების და იქ მცხოვრები ადამიანების მხარდაჭერასა და დახმარებაზეა კონცენტრირებული.

„დღევანდელი შეხვედრა ჩეხეთის ელჩთან, საელჩოს წარმომადგენლებთან იყო ნაყოფიერი. აუცილებლად უნდა აღინიშნოს ჩეხეთის რესპუბლიკის მონაწილეობა ჩვენი ქვეყნის განვითარებაში და მნიშვნელოვანია, რომ ამ მიმართულებით აქტიურობას ისინი მომავალშიც აპირებენ. დავსახეთ სამომავლო თანამშრომლობის კონკრეტული გეგმები. მათ შორის, ეს ეხება ისეთ მიმართულებებს, როგორიცაა ბიოპროდუქტების წარმოება და მათი პოპულარიზაცია ევროპაში, ასევე განათლების ხარისხის ზრდა აგრარულ სექტორში, პროექტი ფიტოსანიტარიის მიმართულებით და ა. შ. “, - განაცხადა ნინო წილოსანმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს