შიდა დაპირისპირებას ადგილი არ აქვს, ეს არის მთავრობის პროპაგანდა, ადგილი აქვს დისკუსიას როგორ უნდა გააგრძელოს ამ პოლიტიკურად რთულ მომენტში, პარტიამ მუშაობა, - ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ პარტიაში მიმდინარე პროცესებზე საუბრისას განაცხადა.
მისივე თქმით, პარტიის გადაწყვეტილებები ნებისმიერს შეიძლება შეეხოს და ეს უგულავა-სააკაშვილის შეხვედრას არანაირად არ უკავშირდება
“პარტიის შიგნით დისკუსიის პროცესი კარგა ხანია დაიწყო, ეს დისკუსია გაგრძელდება და ყველა ტიპის საკითხზე, მათ შორის ვინმეს პერსონალურ ან გუნდურ გადაწყვეტილებებზე ერთად მოგახსენებთ. შიდა დაპირისპირებას ადგილი არ აქვს, ეს არის მთავრობის პროპაგანდა, ადგილი აქვს დისკუსიას, როგორ უნდა გააგრძელოს ამ პოლიტიკურად რთულ მომენტში, პარტიამ მუშაობა. არაფერი ამის მიღმა არ ხდება. შესაძლოა, დღესვე იყოს რაიმე სახის გადაწყვეტილება ან დაგვჭირდეს მეტი დრო, ჯერ არანაირი გადაწყვეტილებები მიღებული არ არის. ნებისმიერს შეიძლება შეეხოს ეს გადაწყვეტილებები. ეს არ უკავშირდება უგულავა-სააკაშვილის შეხვედრას არანაირად“, - აღნიშნა გიგა ბოკერიამ.