რასაც დასთეს, იმას მოიმკი - ეს ხდება მათ თავს,- ამის შესახებ "მოქალაქეების" ლიდერმა ალეკო ელისაშვილმა ჟურნალისტებთან განაცხადა, რითაც "ევროპულ საქართველოში" მიმდინარე მოვლენებს გამოეხმაურა.

მისი თქმით, "ევროპულ საქართველოში" თავის თავზე დიდი წარმოდგენა ჰქონდათ და "ყველაფრის ჩამშლელები" იყვნენ.

"დედამიწის ზურგზე ყველაზე ნაკლებად მაინტერესებს ის, რაც ახლა “ევროპულ საქართველოში” ხდება. ეს პარტია დესტრუქციაზე იყო აწყობილი, თავის თავზე დიდი წარმოდგენა ჰქონდათ და ყველაფრის ამრევები და ჩამშლელები იყვნენ. რასაც დასთეს, იმას მოიმკი - ეს ხდება მათ თავს,"- განაცხადა ელისაშვილმა.