გიგი უგულავა - მიხეილ სააკაშვილთან უბრალოდ გადავიკვეთეთ - ძირითადად ვისაუბრეთ უკრაინაზე, საქართველოს საკითხებზე მასთან არ მილაპარაკია

"ევროპული საქართველოს" გენერალური მდივნის, გიგი უგულავას განცხადებით, მას ექსპრეზიდენტ მიხეილ სააკაშვილთან შეხვედრისას საქართველოში მიმდინარე საკითხებზე არ უსაუბრია. როგორც მან პარტიის ოფისში გამართულ საგანგებო ბრიფინგზე განმარტა, ძირითადად საუბარი უკრაინას ეხებოდა.

„გასაგებია, რომ ივანიშვილის ტელევიზიები ამ შემთხვევაში განსაკუთრებული აქტიურობით გამოირჩევიან. უკრაინაში ჩემი ვიზიტის მიზანი იყო იმ ადამიანების ნახვა, რომლებიც ჩემს გამო, ზუსტად ერთი წლის წინ ციხეში რომ არ წასულიყვნენ, მათ ქვეყნის დატოვება მოუწიათ. ეს არის ქვეყნის სირცხვილი. მე ბუნებრივია, დისკომფორტი მაქვს... სააკაშვილი ვნახე, მასთან დიდი საუბარი არ მქონია, უბრალოდ გადავიკვეთეთ. ძირითადად ვისაუბრეთ უკრაინაზე. საქართველოს საკითხებზე მასთან არ მილაპარაკია, მითუმეტეს პარტიულ საკითხებზე იმიტომ, რომ ვთვლი, "ნაციონალური მოძრაობას" ჰყავს არჩეული თავმჯდომარე და თუ რამე მაქვს სათქმელი "ნაციონალური მოძრაობისთვის" ურთიერთობა მაქვს ბატონ ნიკასთან. აქვე მინდა მას სოლიდარობა გამოვუცხადო. იმედია, ის ამ რეპრესიას გადაურჩება. თუ ხელისუფლებამ მისი დაკავება გადაწყვიტა, მას ეს ძალიან მძიმედ შემოუბრუნდება", - განაცხადა გიგი უგულავამ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა