პრეზიდენტი - თამაზ გამყრელიძის გარდაცვალება ძალიან დიდი დანაკლისია არა მხოლოდ ოჯახის, არამედ მთელი ქვეყნისათვის

საქართველოს პრეზიდენტი სალომე ზურაბიშვილი მწუხარებას გამოთქვამს გამოჩენილი ქართველი ენათმეცნიერისა და აკადემიკოსის, თამაზ გამყრელიძის გარდაცვალების გამო და ქართველი ხალხის სახელით სამძიმარს უცხადებს მის ოჯახსა და ახლობლებს.

როგორც საქართველოს პრეზიდენტმა დღეს სიონის საკათედრო ტაძარში თამაზ გამყრელიძის სამოქალაქო პანაშვიდზე აღნიშნა, მისი გარდაცვალება ძალიან დიდი დანაკლისია არა მხოლოდ ოჯახისთვის, არამედ მთელი ქვეყნისთვის.

„რამდენიმე თვის წინ თამაზ გამყრელიძეს მივანიჭეთ ბრწყინვალების ორდენი, თუმცა პანდემიისა და მისი ავადმყოფობის გამო ვერ მოხერხდა ამ უმაღლესი, სახელმწიფო ჯილდოს სიცოცხლეში გადაცემა. ვაპირებთ, რომ სათანადო პირობებში გავმართოთ ღონისძიება და გავიხსენოთ მისი ღვაწლი ჩვენი ქვეყნის წინაშე. მისი მხრიდან სამშობლოს მიმართ გამოხატული ძალიან დიდი და საპატივცემულო აქტი იყო ასევე მისი ხელმოწერა, 30 წლის წინ, საქართველოს დამოკიდებლობის აქტზე. მინდა, სახელმწიფოს სახელით კიდევ ერთხელ მოგისამძიმროთ“, - განაცხადა საქართველოს პრეზიდენტმა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)