ბექა დავითულიანი - ნიკა მელიას პოლიტიკური ამოცანაა, რომ ციხეში მოხვდეს

ნიკა მელიას პოლიტიკური ამოცანაა, რომ ის ციხეში მოხვდეს“, -ამის შესახებ, საპარლამენტო უმრავლესობის წევრმა ბექა დავითულიანმა ჟურნალისტებთან „ნაციონალური მოძრაობის“ ლიდერის ნიკა მელიას საქმეზე საუბრისას განაცხადა.

როგორც ბექა დავითულიანი აცხადებს, ნიკა მელია ვიწრო პოლიტიკური ინტერესებიდან გამომდინარე მოქმედებს.

„რაც შეეხება ნიკა მელიასთვის მანდატის მოხსნა- არ მოხსნის საკითხის მიზანშეწონილობას, სამწუხაროდ, ნიკა მელია მოქმედებს თავისი ვიწრო პოლიტიკური ინტერესებიდან გამომდინარე. ჩვენ, როგორც პასუხისმგებლიანი სახელისუფლებო გუნდი, ვალდებულები ვართ ვიმოქმედოთ ქვეყნის და სახელმწიფოს ინტერესებიდან გამომდინარე. ერთი მიმართულებაა პოლიტიკური კარის ღიად დატოვება პარლამენტისთვის, მეორე მიმართულებაა, როდესაც კონკრეტული პოლიტიკოსი მიზანმიმართულ პროვოკაციას უწყობს მართლმსაჯულების სისტემას, გამომწვევად იქცევა, ყველაფერს აკეთებს იმისთვის, რომ სასამართლომ დაუმძიმოს აღკვეთის ღონისძიება. ნიკა მელიას პოლიტიკური ამოცანაა, რომ ის ციხეში მოხვდეს. ეს თუ ვინმეს არ აწყობს და არ სჭირდება ნიკა მელიას დაკავება პოლიტიკური თვალსაზრისით, ნამდვილად არის ხელისუფლება. მილევად რეჟიმში მყოფი პოლიტიკური პარტიების ლიდერის დაკავება არაფერში არ სჭირდება პოლიტიკური თვალსაზრისით ხელისუფლებას. ჩვენ არ ვხელმძღვანელობთ პოლიტიკური მოტივებით, როდესაც საქმე მართლმსაჯულებას ეხება“,-აცხადებს ბექა დავითულიანი.

ცნობისთვის, პროკურატურა ნიკა მელიას მიმართ პატიმრობის გამოყენების შუამდგომლობასთან დაკავშირებული თანხმობის მისაღებად პარლამენტს მიმართავს.

შეგახსნებთ, 5 თებერვალს, საქართველოს გენერალურმა პროკურატურამ „ერთიანი ნაციონალური მოძრაობის“ თავმჯდომარე ნიკა მელია გააფრთხილა და განმარტა, რომ თუკი ის გირაოს არ გადაიხდის, პროკურატურა სასამართლოს მისთვის აღკვეთის ღონისძიების სახით პატიმრობის შეფარდების შუამდგომლობით მიმართავს. პროკურატურა მელიასთვის აღკვეთის ღონისძიების სახით შეფარდებული გირაოს 40 000 ლარის გადახდას, ან აღნიშნული თანხის ექვივალენტური უძრავი ქონებით გირაოს უზრუნველყოფას ითხოვს. ნიკა მელია 20 ივნისის საქმეზე ჯგუფური ძალადობის ხელმძღვანელობის და მასში მონაწილეობისათვის, საქართველოს სისხლის სამართლის კოდექსის 225-ე მუხლის 1-ელი და მე-2 ნაწილებით, სისხლის სამართლის პასუხისგებაში მიეცა და მას სასამართლომ აღკვეთის ღონისძიების სახით 40 000-ლარიანი გირაო შეუფარდა. ასევე მას აეკრძალა ბრალდების მხარის წინასწარი ინფორმირებისა და თანხმობის გარეშე სახელმწიფო საზღვრის გადაკვეთა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა