ექსპერტიზის ეროვნული ბიუროს განცხადებით, სიმართლეს არ შეესაბამება ინფორმაცია იმის შესახებ, რომ რუსთავის პენიტენციური დაწესებულებიდან ბიუროში 3 გარდაცვლილი გადაასვენეს

„ინფორმაცია იმის შესახებ, რომ რუსთავის პენიტენციური დაწესებულებიდან ექსპერტიზის ბიუროში გადმოსვენებულია 3 გარდაცვლილი, არ შეესაბამება სიმართლეს“, - ამის შესახებ „ინტერპრესნიუსს“ ლევან სამხარაულის სახელობის ექსპერტიზის ეროვნულ ბიუროში განუცხადეს.

ბიურის საზოგადოებასთან ურთიერთობის სამსახურის უფროსის, ეკა ჭუმბურიძის განცხადებით, მათ სასჯელაღსრულების დაწესებულებიდან არავინ დაკავშირებია.

„ინფორმაცია იმის შესახებ, რომ რუსთავის პენიტენციური დაწესებულებიდან ბიუროში გადმოსვენებულია 3 გარდაცვლილი, არ შეესაბამება სიმართლეს. ბიუროს სასჯელაღსრულების დაწესებულებიდან არავინ დაკავშირებია“, - განაცხადა ეკა ჭუმბურიძემ.

შეგახსენებთ, რომ მედიაში გავრცელდა ინფორმაცია იმის შესახებ, რომ N17 დაწესებულებაში პატიმრებს შორის დაპირისპირება მოხდა, რის შედეგადაც სამი პატიმარია გარდაცვლილი. აღნიშნულ ინფორმაციას არ ადასტურებს არც სპეციალური პენიტენციური სამსახური. როგორც უწყებაში განმარტავენ „ეს არის სრული სიცრუე და პენიტენციური სისტემის წინააღმდეგ მიზანმიმართული პროვოკაცია”.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს