მოვითხოვე დეპუტატის სტატუსის გაუქმება და არ გამიუქმეს, ბარის გახსნა დამჭირდა რომ მანდატი გამეუქმებინა", - ამის შესახებ "გირჩი მეტი თავისუფლების“ ლიდერმა ზურაბ ჯაფარიძემ ჟურნალისტებთან საუბრისას განაცხადა.
ჯაფარიძის თქმით, მისი დაკავება რთულია, რადგან დეპუტატის მანდატი იცავს.
"ბარი მანამ არ დაიხურება, სანამ ფიზიკურად არ გამაკავებენ რამენაირად. ჩემი დაკავება ამ შემთხვევაში რთულია, მე ამ წუთში მაქვს დეპუტატის სტატუსი მათი დამსახურებით. მე მოვითხოვე დეპუტატის სტატუსის გაუქმება და არ გამიუქმეს. მოუწევთ მიმართონ საქართველოს პარლამენტს, რომ გამიუქმონ მანდატი, ბარის გახსნა დამჭირდა რომ მანდატი გამეუქმებინა", -აცხადებს ჯაფარიძე.
ცნობისთვის, შრომის ინსპექცია დაუმორჩილებლობის ნიშნად გახსნილ ბარში "ჯაფარასთან" შევიდა და ობიექტი 2000 ლარით დააჯარიმა.