"საქართველოს ახალგაზრდულ ორგანიზაციათა საბჭომ" პროექტ "ახალგაზრდობა მნიშვნელოვანიას" ფარგლებში პროექტის მონაწილე აჭარის ახალგაზრდულ ორგანიზაციებთან, ბათუმში საინფორმაციო - სამუშაო შეხვედრები გამართა. ამის შესახებ ინფორმაციას "საქართველოს ახალგაზრდულ ორგანიზაციათა საბჭო" ავრცელებს.

მათივე ინფორმაციით, რეგიონული შეხვედრები ეტაპობრივად, რეგულაციების დაცვით გაგრძელდება და საბოლოო ჯამში, 10 რეგიონს მოიცავს.

შეხვედრების მიზანია პროექტის მონაწილე ორგანიზაციების საქმიანობის ადგილზე გაცნობა, მათთან პროექტის მიმდინარე დეტალების განხილვა, სამომავლო თანამშრომლობის დაგეგმვა, ქოლგა ორგანიზაციის საქმიანობის გაცნობა და მათთვის ევროპის კავშირის გრანტის ფარგლებში შეძენილი კოვიდ უსაფრთხოების ნივთების გადაცემა. ასევე, ადგილზე მასალების შეგროვება ვიდეო რგოლებისთვის, რომელსაც ორგანიზაცია პროექტის,,ახალგაზრდობა მნიშვნელოვანია" ფარგლებში ქმნის.

"ვიდეო რგოლების მიზანია ახალგაზრდული ორგანიზაციების შესახებ ინფორმაციის გავრცელება და ცნობიერების გაზრდა მათი საქმიანობის შესახებ. პროექტი სარგებლობს აღმოსავლეთ პარტნიორობის სამოქალაქო საზოგადოების ფორუმის COVID-19 - ის სქემით და დაფინანსებულია ევროკავშირის მიერ, რათა შემსუბუქდეს COVID-19-ის გავლენა რეგიონში. "ახალგაზრდობა მნიშვნელოვანია" დაფინანსებულია სსიპ ახალგაზრდობის სააგენტოს მიერ, მილიონიანი ფონდის საგრანტო კონკურსის ll თემატური მიმართულების ფარგლებში“, - ნათქვამია ინფორმაციაში.